LSG vs GT: ગુજરાતને લખનઉએ 6 વિકેટથી હરાવ્યું, પૂરન અને માર્કરમની ફિફ્ટી
LSG beat GT: IPL 2025માં સતત પ્રથમ પાંચ મેચમાંથી ચાર જીતનાર ગુજરાત ટાઇટન્સની ટીમને છઠ્ઠી મેચમાં 6 વિકેટથી કારમી હારનો સામનો કરવો પડ્યો. લખનઉ સુપર જાયન્ટ્સ સામેની આ મેચમાં ગુજરાત ટાઇટન્સે પ્રથમ બેટિંગ કરી અને 20 ઓવરમાં 6 વિકેટ ગુમાવીને 180 રન બનાવ્યા, લખનઉની ટીમે 19.3 ઓવરમાં 4 વિકેટ ગુમાવીને ટાર્ગેટ ચેસ કરી લીધો હતો. આ મેચમાં, એલએસજી ટીમ માટે એડન માર્કરામ અને નિકોલસ પૂરને બેટ સાથે મહત્વપૂર્ણ ભૂમિકા ભજવી હતી જેમાં બંને અડધી સદી ફટકારવામાં સફળ રહ્યા હતા.
🎬 A superb opening act of 1️⃣2️⃣0️⃣ that deserved all the applause 👏👏
Both openers depart as #GT are 123/2.
Updates ▶ https://t.co/VILHBLEerV #TATAIPL | #LSGvGT | @gujarat_titans pic.twitter.com/MtGXKIUS8e
— IndianPremierLeague (@IPL) April 12, 2025
આ મેચમાં જ્યારે લખનઉ સુપર જાયન્ટ્સની ટીમ ટાર્ગેટનો પીછો કરવા આવી ત્યારે ઋષભ પંત અને એડન માર્કરામની ઓપનિંગ જોડી મેચમાં આવી હતી જેમાં બંનેએ પ્રથમ 6 ઓવરમાં ટીમનો સ્કોર 61 રન સુધી પહોંચાડ્યો હતો. લખનઉની ટીમને 65 રનના સ્કોર પર કેપ્ટન રિષભ પંતના રૂપમાં પહેલો ફટકો પડ્યો, જેને 21 રનની ઇનિંગ રમ્યા બાદ પ્રખ્યાત કૃષ્ણાએ આઉટ કર્યો. આ પછી બેટિંગ કરવા આવેલા નિકોલસ પૂરને માર્કરામને સારો સાથ આપ્યો અને બીજી વિકેટ માટે બંને વચ્ચે 29 બોલમાં 58 રનની ભાગીદારી થઈ, જેનાથી આ મેચમાં લખનઉની જીત સંપૂર્ણપણે સુનિશ્ચિત થઈ ગઈ.
આ મેચમાં એડન માર્કરામ 31 બોલમાં 58 રન બનાવવામાં સફળ રહ્યો, જ્યારે નિકોલસ પૂરને 34 બોલમાં 1 ચોગ્ગા અને 7 છગ્ગાની મદદથી 61 રન બનાવ્યા. આ જીત સાથે, લખનઉની ટીમ હવે ટોપ-4માં પોતાનું સ્થાન બનાવવામાં સફળ રહી છે, જેમાં તેમના 6 મેચમાં ચાર જીત સાથે 8 પોઈન્ટ છે.
ગુજરાત ટાઇટન્સે પ્રથમ બેટિંગ કરીને 180 રન બનાવ્યા હતા, જોકે, શુભમન ગિલ અને સાઈ સુદર્શને જે રીતે શરૂઆત આપી હતી, તેનાથી સ્કોર ઓછામાં ઓછો 210 સુધી પહોંચી જવો જોઈતો હતો. ગિલ (60) અને સુધરસન (56) એ પ્રથમ વિકેટ માટે 120 રન જોડ્યા હતા. ગુજરાતનો મિડલ ઓર્ડર નિષ્ફળ ગયો અને છેલ્લી 8 ઓવરમાં ગુજરાતની ટીમ ફક્ત 60 રન જ બનાવી શકી.
