કચ્છના કોટડા જડોદરમાં ગણપતિની મૂર્તિ તોડવા મામલે 7ની ધરપકડ

કચ્છઃ જિલ્લાના કોટડા જદોડરમાં ગણપતિની મૂર્તિ ખંડિત કરવાનો અને મંદિર પર ધ્વજ લગાવા મામલો પોલીસે 7 આરોપીઓની ધરપકડ કરી છે. આ મામલે પોલીસે 8 વ્યક્તિઓ સામે ફરિયાદ દાખલ કરી હતી અને કાયદેસરની કાર્યવાહી હાથ ધરી હતી.

કચ્છ જિલ્લા પોલીસ વડાએ આ મામલે જણાવ્યું હતું કે, ‘અસામાજિક તત્વો સામે કડક પગલાં લેવામાં આવશે. ગત રાત્રિથી પોલીસની અલગ અલગ ટીમ ગામ તૈનાત છે. કચ્છની શાંતિ ડહોળનારા તોફાની તત્વોને પોલીસ છોડશે નહીં.’

આ ઉપરાંત અન્ય 3 આરોપીઓ સગીર છે. ત્યારે આ મામલે પોલીસે તમામની ધરપકડ કરી આગળની કાર્યવાહી હાથ ધરી છે. કાયદાકીય રીતે તમામ સગીર આરોપીઓ સામે જુવેનાઇલ એક્ટ હેઠળ કાર્યવાહી હાથ ધરવામાં આવશે.