DNCમાં કમલા હેરિસે સત્તાવાર રીતે પોતાની ઉમેદવારી સ્વીકારી, ભારતીય માતાનો કર્યો ઉલ્લેખ
US Election 2024: અમેરિકામાં રાષ્ટ્રપતિની ચૂંટણી યોજાવાની છે. ડેમોક્રેટિક નેશનલ કન્વેન્શનમાં કમલા હેરિસે સત્તાવાર રીતે તેમની ઉમેદવારી સ્વીકારી લીધી છે. અહીં તેમણે લોકોને ખાતરી આપવાનો પ્રયાસ કર્યો કે તે એક આશા છે. કમલા હેરિસે તેમના ભાષણની શરૂઆત તેમના પતિ ડગ એમહોફને લગ્નની 10મી વર્ષગાંઠની શુભેચ્છા પાઠવી હતી. આ સિવાય તેણે પોતાની ભારતીય માતાનો ઉલ્લેખ કર્યો હતો. તેમણે એ પણ સ્વીકાર્યું કે તેમની ઉમેદવારી ખૂબ જ વિચિત્ર સંજોગોમાં થઈ હતી.
#WATCH | Chicago, USA: Kamala Harris accepts the Democratic party nomination for US President
She says, "I accept your nomination to be President of the United States of America. And with this election, our nation has a precious, fleeting opportunity to move past the bitterness,… pic.twitter.com/BWZgRWwVqO
— ANI (@ANI) August 23, 2024
વાઇસ પ્રેસિડેન્ટ કમલા હેરિસે લોકોને જણાવ્યું કે કેવી રીતે તેમની માતાએ તેમનો ઉછેર કર્યો. તેમણે તેમની માતાને અદભૂત ‘5 ફૂટ લાંબી બ્રાઉન લેડી’ ગણાવી હતી. તેમણે કહ્યું,’તે કડક હતી, તેણે જ રસ્તો બતાવ્યો હતો. તેમણે અમને અન્યાયની ફરિયાદ ન કરવા પરંતુ તેના માટે અવાજ ઉઠાવવાનું શીખવ્યું. તેમણે અમને શીખવ્યું કે આપણે ક્યારેય અડધા મનથી કંઈ ન કરવું જોઈએ. અને તે પોતે આનું ઉદાહરણ છે. કમલા હેરિસે ભાષણ દરમિયાન લોકોને કહ્યું કે તે ઉમેદવારી સ્વીકારે છે.
અમેરિકાના ભવિષ્યની ચૂંટણી
ડોનાલ્ડ ટ્રમ્પ રિપબ્લિકન પાર્ટી તરફથી કમલા હેરિસ સામે ચૂંટણી લડી રહ્યા છે. કમલા હેરિસે રિપબ્લિકન પાર્ટી તરફ વલણ ધરાવતા લોકોને સીધી અપીલ કરી હતી, અને વચન આપ્યું હતું કે તે તમામ અમેરિકનો માટે પ્રમુખ બનશે. ભલે તે તેમને મત આપે કે ન આપે. ઉમેદવારી સ્વીકાર્યા બાદ કમલા હેરિસે આ વર્ષની રાષ્ટ્રપતિની ચૂંટણીને અમેરિકાના ભવિષ્યની લડાઈ ગણાવી હતી.
