JDUમાં જોડાતા જ મનીષ વર્માને મળી મોટી જવાબદારી, પાર્ટીમાં મહત્વનું પદ મળ્યું
JDU Joining Manish Verma: જનતા દળ યુનાઈટેડ (JDU)માં સામેલ થયાના બે દિવસ બાદ જ પૂર્વ IAS મનીષ વર્માને મોટી જવાબદારી સોંપવામાં આવી છે. પાર્ટી અધ્યક્ષ નીતિશ કુમારે તેમને રાષ્ટ્રીય મહાસચિવ તરીકે નિયુક્ત કર્યા છે. નોંધનીય છે કે, તમને જણાવી દઈએ કે 9 જુલાઈના રોજ મનીષ વર્માને JDUના કાર્યકારી અધ્યક્ષ સંજય ઝા અને પ્રદેશ અધ્યક્ષ ઉમેશ કુશવાહના નેતૃત્વમાં પાર્ટીની સદસ્યતા આપવામાં આવી હતી.
President of Janata Dal (United) Nitish Kumar appoints Manish Kumar Verma as the National General Secretary of the party pic.twitter.com/E7vKscB698
— ANI (@ANI) July 11, 2024
આ પ્રસંગે પૂર્વ IAS મનીષ વર્માએ કહ્યું કે, મુખ્યમંત્રી નીતિશ કુમારે બિહારને અંધકારમાંથી બહાર કાઢીને પ્રકાશમાં લાવ્યા છે. બિહાર અને તેના લોકોના વિકાસ વિશે એક ક્ષણ માટે વિચાર કરીએ. જેડીયુમાં વાસ્તવિક સમાજવાદ જીવંત છે. બાકીનામાં પરિવારવાદ હાવી છે. બિહાર વિધાનસભા ચૂંટણી પહેલા મનીષ વર્માના JDUમાં જોડાવા અને રાષ્ટ્રીય મહાસચિવનું પદ મળવાને લઈને રાજકીય ચર્ચા તેજ થઈ ગઈ છે.
નોંધનીય છે કે , મનીષ વર્મા મુખ્યમંત્રી નીતિશ કુમારના સલાહકાર પણ રહી ચૂક્યા છે. અને તેમની ગણતરી નીતીશના નજીકના મિત્રોમાં થાય છે. તેમણે ભારતીય વહીવટી સેવામાંથી VRS (સ્વૈચ્છિક નિવૃત્તિ) લીધી હતી. આ પછી તેઓ નીતિશના સલાહકાર બન્યા. જેડીયુમાં જોડાતા પહેલા તેઓ બિહાર ડિઝાસ્ટર મેનેજમેન્ટ ઓથોરિટીના સભ્ય હતા. મનીષ વર્ષા ઓડિશા કેડરના IAS રહી ચૂક્યા છે.
#WATCH | Patna, Bihar: Former IAS officer Manish Verma joined JD(U). (09.07) pic.twitter.com/RqUhBIPj9N
— ANI (@ANI) July 9, 2024
કોણ છે મનીષ વર્મા?
પૂર્વ IAS મનીષ વર્મા બિહારના નાલંદા જિલ્લાના રહેવાસી છે. તેમના પિતા ડૉ.અશોક વર્મા બિહાર શરીફના મહાન ડૉક્ટર તરીકે જાણીતા હતા. વર્માએ પ્રાથમિક શિક્ષણ બિહાર શરીફની એક સરકારી શાળામાંથી મેળવ્યું હતું. IIT, દિલ્હીમાંથી સિવિલ એન્જિનિયરિંગમાં B.Tech પૂર્ણ કરતાં પહેલાં તેણે પટનાની એક સ્કૂલમાં પણ અભ્યાસ કર્યો હતો. 2000માં UPSC ક્રેક કરતા પહેલા વર્માએ ઈન્ડિયન ઓઈલ કોર્પોરેશન સાથે પણ કામ કર્યું હતું.
વર્માનું પ્રથમ પોસ્ટિંગ કાલાહાંડીમાં થયું હતું અને પછી તેઓ ગુનુપુર, રાયગરા, ઓડિશામાં સબ-ડિવિઝનલ મેજિસ્ટ્રેટ (SDM) બન્યા હતા. બિહારમાં ડેપ્યુટેશન પર મોકલવામાં આવ્યા તે પહેલા તેઓ 12 વર્ષ ઓડિશામાં હતા. બિહારમાં તેઓ પટના અને પૂર્ણિયાના જિલ્લા મેજિસ્ટ્રેટ પણ રહી ચૂક્યા છે. તેઓ 2016 થી 2021 સુધી મુખ્યમંત્રીના સચિવ તરીકે પણ નિયુક્ત હતા. બિહારમાં તેમની પ્રતિનિયુક્તિ સમાપ્ત થયા પછી, વર્માએ ઓડિશા પાછા ન આવવાનું નક્કી કર્યું અને તેના બદલે 2021 માં સેવાઓમાંથી VRS લીધું. જેડીયુમાં છેલ્લા કેટલાક દિવસોમાં ઘણા મોટા ફેરફારો થયા છે. જેમાં સંજય ઝાને સૌથી મોટી જવાબદારી મળી છે. જેમને જેડીયુના કાર્યકારી અધ્યક્ષ તરીકે નિયુક્ત કરવામાં આવ્યા છે. અને હવે નીતીશ કુમારના સલાહકાર અને પૂર્વ IAS મનીષ વર્માને પાર્ટીમાં રાષ્ટ્રીય મહાસચિવનું પદ આપવામાં આવ્યું છે.
