ત્રિપુરામાં મુખ્ય વિપક્ષી પાર્ટીએ પાટલી બદલી, BJP સાથે આવી TMP

ત્રિપુરા: ત્રિપુરામાં મોટી રાજકીય ઉથલપાથલ થઈ છે. મુખ્ય વિપક્ષી પાર્ટી ટીપ્રા મોથા પાર્ટી (ટીએમપી) એ પોતે જ પોતાનો માર્ગ બદલીને એનડીએ સરકાર સાથે ગઠબંધન કર્યું. NDAમાં સામેલ થયા બાદ TMPના બે ધારાસભ્યોએ પણ આજે મંત્રી તરીકે શપથ લીધા હતા. ત્રિપુરાના રાજ્યપાલ નલ્લુ ઈન્દ્રસેન રેડ્ડીએ બંનેને પદના શપથ લેવડાવ્યા હતા.

આ સાથે ત્રિપુરામાં સીએમ માણિક સાહા સહિત 11 મંત્રીઓ છે. ત્રિપુરામાં મંત્રી તરીકે શપથ લેનારા બે ટીએમપી ધારાસભ્યોમાં અનિમેષ દેબબર્મા અને બ્રિષ્કેતુ દેબબર્માનો સમાવેશ થાય છે. ટીએમપીનું કહેવું છે કે વડાપ્રધાન નરેન્દ્ર મોદી અને ત્રિપુરાના સીએમ ડો. માણિક સાહાના કામથી પ્રેરિત થઈને તેમની પાર્ટી એનડીએમાં સામેલ થઈ છે.

I welcome @tipra_official (main opposition in #Tripura) in the journey of #ViksitBharat under the leadership of Hon’ble PM Shri @narendramodi Ji. I also thank Hon’ble HM Shri @AmitShah Ji who constantly guided & facilitated the way for alliance.

This participation will pave way… pic.twitter.com/mIpjFWPqxA

— Prof.(Dr.) Manik Saha (@DrManikSaha2) March 7, 2024

TMP બીજેપી સાથે ગઠબંધન કરનારી બીજી પ્રાદેશિક પાર્ટી
તમને જણાવી દઈએ કે IPFT પછી ટીપ્રા મોથા બીજેપી સાથે ગઠબંધન કરનાર બીજી પ્રાદેશિક પાર્ટી છે. આ પલટવાર બાદ 60 સભ્યોની ત્રિપુરા વિધાનસભામાં એનડીએના સભ્યોની સંખ્યા વધીને 46 થઈ ગઈ છે. જેમાં ભાજપના 32 ધારાસભ્યો, TMPના 13 અને IPFTના એક ધારાસભ્યનો સમાવેશ થાય છે. તમને જણાવી દઈએ કે નવી દિલ્હીમાં ટિપરા મોથા, ત્રિપુરા સરકાર અને કેન્દ્ર સરકાર વચ્ચે ત્રિપક્ષીય સમજૂતી પર હસ્તાક્ષર થયાના થોડા દિવસો બાદ આ રાજકીય પલટો આવ્યો છે.