ચીનમાં 62 વર્ષીય વ્યક્તિએ ડઝનેક લોકો પર કાર ચલાવી, 35ના મોત અને 43 ઘાયલ
China 35 killed 43 others injured: ચીનના ઝુહાઈમાં એક 62 વર્ષીય વ્યક્તિએ લોકોના જૂથમાં કાર ચલાવી હતી. જેના કારણે 35 લોકોના મોત થયા છે. જ્યારે 43 અન્ય ઘાયલ થયા છે. ચીનના સરકારી ટેલિવિઝન સીસીટીવીએ આ અંગેની માહિતી આપી કે, ચીનના દક્ષિણી શહેર ઝુહાઈમાં સોમવારે સાંજે એક સ્પોર્ટ્સ સેન્ટરની બહાર એક કાર લોકોના જૂથમાં ઘૂસી જતાં 35 લોકો માર્યા ગયા અને 43 અન્ય ઘાયલ થયા.
Car rams into large group of people in #Zhuhai, #China, details unknown pic.twitter.com/v1MD3vnHeZ
— Koba (@Roberto05246129) November 11, 2024
એવું કહેવામાં આવી રહ્યું છે કે આ ઘટનાને અંજામ આપનાર શંકાસ્પદ 62 વર્ષીય છૂટાછેડા લીધેલ વ્યક્તિ હતો, જેણે ભીડમાં પોતાની કારને ટક્કર મારી હતી. શંકાસ્પદ છરીનો ઉપયોગ કરતા પહેલા પોતાને નુકસાન પહોંચાડવાનો પ્રયાસ કરી રહ્યો હતો. ત્યારબાદ પોલીસે તેને સ્થળ પર જ પકડી લીધો હતો. ઝુહાઈ પોલીસ દ્વારા જારી કરાયેલા નિવેદન અનુસાર શંકાસ્પદ વ્યક્તિને સારવાર માટે હોસ્પિટલમાં મોકલવામાં આવ્યો હતો. તે હુમલો હતો કે અકસ્માત હતો તે તાત્કાલિક સ્પષ્ટ થયું નથી. કોઈ હેતુનો ઉલ્લેખ કરવામાં આવ્યો ન હતો અને પોલીસે જણાવ્યું હતું કે તપાસ ચાલુ છે.
મિનિટોમાં જ રસ્તા પર મૃતદેહોનો ઢગલો થઇ ગયો
ચીનમાં બનેલી આ ચોંકાવનારી ઘટનાને કારણે રસ્તાઓ પર દૂર દૂર સુધી મૃતદેહો દેખાઈ રહ્યા હતા. મોટી સંખ્યામાં લોકોના ઘટનાસ્થળે જ મોત થયા હતા, જ્યારે ઘાયલ થયેલા ડઝનેક લોકો મદદ માટે ચીસો પાડતા જોવા મળ્યા હતા. અન્ય લોકોમાં ભાગદોડ મચી ગઇ હતી. સ્થળ પર આવું કરુણ દ્રશ્ય જોઈ લોકો ચોંકી ઉઠ્યા હતા. બાદમાં ચાઈનીઝ પોલીસે ડ્રાઈવરને કસ્ટડીમાં લીધો હતો. તેની વધુ પૂછપરછ કરવામાં આવી રહી છે.
