કોંગ્રેસમાંથી અમદાવાદ પૂર્વથી હિંમતસિંહ પટેલ તો રાજકોટથી પરેશ ધાનાણી મેદાને

અમદાવાદઃ ગુજરાતની 26 બેઠક પર આખરે ચિત્ર સ્પષ્ટ થઈ ગયું છે. કોંગ્રેસે બાકીની ચાર બેઠક પર ઉમેદવારના નામની જાહેરાત કરી દીધી છે. જેમાં મહેસાણાથી રામજી ઠાકોર, અમદાવાદ પૂર્વથી હિંમતસિંહ પટેલ, રાજકોટથી પરેશ ધાનાણી અને નવસારીથી નૈષધ દેસાઈને ટિકિટ આપી છે.

આ ઉપરાંત ગુજરાત વિધાનસભાની પાંચ સીટ પર પણ ઉમેદવારોની જાહેરાત કરી છે. જેમાં વિજાપુરથી દિનેશ પટેલ, પોરબંદરથી રાજુ ઓડેદરા, માણાવદરથી હરિભાઈ કણસાગરા, ખંભાતથી મહેન્દ્રસિંહ પરમાર અને વાઘોડિયાથી કનુભાઈ ગોહિલને ટિકિટ આપી છે.

ભાજપની વાત કરવામાં આવે તો, અમદાવાદ પૂર્વ બેઠકથી તેમણે હસમુખ પટેલને મેદાને ઉતાર્યા છે. જ્યારે મહેસાણાથી હરિ પટેલ, રાજકોટથી પરશોત્તમ રૂપાલા અને નવસારીથી સીઆર પાટીલ મેદાનમાં ઉતાર્યા છે.

પરશોત્તમ રૂપાલા વિવાદાસ્પદ નિવેદનને લઈને ચર્ચામાં
બીજી તરફ, રાજકોટના ભાજપના ઉમેદવાર પરશોત્તમ રૂપાલાના ક્ષત્રિય અંગેના વિવાદાસ્પદ નિવેદનને કારણે છેલ્લા ઘણાં દિવસથી ક્ષત્રિયો આકરા પાણીએ છે અને ઠેર-ઠેર વિરોધ પ્રદર્શન કરવામાં આવી રહ્યા છે. ક્ષત્રિયોની એક જ માગ છે કે, પરશોત્તમ રૂપાલાની ટિકિટ પાછી ખેંચવામાં આવે. બે દિવસ પહેલાં કોંગ્રેસના દિગ્ગજ નેતા લલિત કગથરાએ કહ્યુ હતુ કે, ભાજપ રૂપાલાની ટિકિટ પાછી નહીં ખેંચે તો રાજકોટથી અમે પરેશ ધાનાણીને મેદાનમાં ઉતારીશું. ત્યારે આખરે નામની જાહેરાત થઈ ગઈ છે.

ક્યાંથી કોણ મેદાનમાં?