આવી ગયો છે Go digitનો આઇપીઓ… વિરાટ-અનુષ્કાએ પણ લગાવ્યો છે મોટો દાવ
આ IPO 17મી મેના રોજ બંધ થશે.
Go digit IPO: આ વર્ષે આઇપીઓ માર્કેટમાં જોરદાર વૃદ્ધિ જોવા મળી રહી છે અને એક પછી એક કંપનીઓ તેમની ઈનિશિયલ પબ્લિક ઓફરિંગ એટલે કે IPO લોન્ચ કરી રહી છે. બુધવારે ગો-ડિજિટ કંપનીનો ઇશ્યૂ સબસ્ક્રિપ્શન માટે ખુલ્યો છે, જેમાં ટીમ ઇન્ડિયાના પૂર્વ કેપ્ટન અને IPL 2024માં સારું પ્રદર્શન કરી રહેલા વિરાટ કોહલી અને તેની અભિનેત્રી પત્ની અનુષ્કા શર્માએ પણ કરોડો રૂપિયાનું રોકાણ કર્યું છે.
તમે 17મી મે સુધી રોકાણ કરી શકો છો
ટીમ ઈન્ડિયાના પૂર્વ કેપ્ટન અને આઇપીએલ (IPL 2024) માં રોયલ ચેલેન્જર્સ બેંગ્લોર તરફથી રમતા વિરાટ કોહલી માત્ર ક્રિકેટની પીચ પર જ નહીં પરંતુ બિઝનેસના ક્ષેત્રમાં પણ કમાલ કરી રહ્યા છે. ક્રિકેટની સાથે સાથે ઘણી કંપનીઓ (Virat Kohli Investment)માં તેમના રોકાણથી પણ જંગી નફો થઈ રહ્યો છે. હવે તેણે જે કંપનીમાં રોકાણ કર્યું છે તેણે તેનો IPO ખોલ્યો છે, જેનું નામ છે ગો-ડિજિટ જનરલ ઈન્સ્યોરન્સ કંપની અને તેમાં 15 મે થી 17 મે સુધી નાણાં રોકી શકાય છે.
આ પણ વાંચો: PM મોદીના નામ પર નથી કોઈ કાર કે ઘર, તેમની કુલ સંપત્તિ છે માત્ર આટલી
ગો-ડિજિટ આઇપીઓ માટે કંપનીએ રૂ. 258 થી રૂ. 272ની પ્રાઇસ બેન્ડ નક્કી કરી છે. આ સિવાય રિટેલ રોકાણકારો માટે લોટ સાઈઝ 55 શેર છે. એટલે કે આ IPO માટે અરજી કરનારા રોકાણકારોએ ઓછામાં ઓછા 55 શેર માટે બિડ કરવું પડશે. જો આપણે પ્રાઇસ બેન્ડ પર નજર કરીએ તો દરેક લોટ માટે 14,960 રૂપિયાનું ન્યૂનતમ રોકાણ કરવું પડશે. રોકાણકારો વધુમાં વધુ 13 લોટ એટલે કે 715 શેર માટે બિડ કરી શકે છે અને આ માટે તેમણે 1,94,480 રૂપિયાનું રોકાણ કરવું પડશે.
આ IPO 17મી મેના રોજ બંધ થશે. આ પછી શેરની ફાળવણી માટે 21મી મેની તારીખ નક્કી કરવામાં આવી છે. રિફંડ 22 મેના રોજ કરવામાં આવશે. જ્યારે બિડર્સના ડીમેટ એકાઉન્ટમાં શેર ક્રેડિટ પણ તે જ દિવસે થશે. કંપનીએ BSE-NSE પર તેના લિસ્ટિંગ માટે સંભવિત તારીખ 23 મે નક્કી કરી છે.
ગો ડિજીટ જનરલ ઈન્સ્યોરન્સ મોટર, આરોગ્ય, મુસાફરી, મિલકત, મરીન વગેરે જેવા વિવિધ પ્રકારના વીમા ઉત્પાદનો ઓફર કરે છે. આ કંપનીને માર્કેટ રેગ્યુલેટર સેબી દ્વારા માર્ચ 2024માં IPO લાવવા માટે મંજૂરી આપવામાં આવી હતી. ગો ડિજિટે તેની પ્રારંભિક જાહેર ઓફર લાવવા માટે વર્ષ 2022 માં પ્રથમ વખત સેબીને તેની અરજી સબમિટ કરી હતી. જો કે તે સમયે માર્કેટ રેગ્યુલેટરે તેને લીલી ઝંડી આપી ન હતી.
હવે વાત કરીએ દિગ્ગજ ભારતીય ક્રિકેટર વિરાટ કોહલી અને તેની પત્ની અનુષ્કા શર્મા દ્વારા ગો ડિજિટ કંપનીમાં કરવામાં આવેલા રોકાણની DRHP અનુસાર, આ સેલિબ્રિટી કપલ કંપનીના હિતધારકોની યાદીમાં સામેલ છે. ફેબ્રુઆરી 2020માં વિરાટ કોહલીએ કંપનીમાં 2,66,667 શેર પ્રતિ શેર 75 રૂપિયાના ભાવે ખરીદ્યા હતા અને આ માટે તેણે 2 કરોડ રૂપિયાનું રોકાણ કર્યું હતું. આ ઉપરાંત તેની પત્ની અનુષ્કા શર્માએ પણ આ જ કિંમતે 66,667 શેર ખરીદીને 50 લાખ રૂપિયાનું રોકાણ કર્યું હતું.
