CWCની બેઠક દરમિયાન પૂર્વ ગૃહમંત્રી પી. ચિદમ્બરમની તબિયત લથડી, હોસ્પિટલમાં દાખલ
P Chidambaram: ગુજરાતના અમદાવાદમાં ચાલી રહેલી કોંગ્રેસ CWC બેઠકમાં હાજરી આપવા આવેલા કોંગ્રેસ નેતા પી ચિદમ્બરમ બેભાન થઈ ગયા હતા. સાબરમતી આશ્રમમાં ગરમીને કારણે તેઓ બેભાન થઈ ગયા, ત્યારબાદ તેમને હોસ્પિટલમાં લઈ જવામાં આવ્યા. 64 વર્ષ બાદ ભારતીય રાષ્ટ્રીય કોંગ્રેસ તેના અધિવેશનનું આયોજન કરી રહી છે, જેમાં પાર્ટીના ટોચના નેતાઓ હાજરી આપી રહ્યા છે.
#WATCH | Ahmedabad, Gujarat: Congress leader P Chidambaram fell unconscious due to heat at Sabarmati Ashram and was taken to a hospital. pic.twitter.com/CeMYLk1C25
— ANI (@ANI) April 8, 2025
પી ચિદમ્બરમ કોણ છે?
પી ચિદમ્બરમનું પૂરું નામ પલાનીઅપ્પન ચિદમ્બરમ છે. તેઓ કોંગ્રેસના વરિષ્ઠ નેતાઓમાંના એક છે. તેઓ 1972માં કોંગ્રેસમાં જોડાયા હતા. તેઓ દેશના નાણામંત્રી અને ગૃહમંત્રી રહી ચૂક્યા છે. તેમનો જન્મ 16 સપ્ટેમ્બર, 1945ના રોજ તમિલનાડુના કનાડુકાથન ગામમાં થયો હતો. તેઓ એક વકીલ પણ છે અને શરૂઆતમાં ચેન્નાઈ હાઈકોર્ટમાં પ્રેક્ટિસ કરી ચૂક્યા છે.
