ડીસામાં ગેરકાયદેસર ફટાકડા ફેક્ટરીમાં આગ લાગી, 19નાં મોત
બનાસકાંઠા: ડીસા GIDCમાં ફટાકડાના ગોડાઉનમાં ભીષણ આગ ભભૂકી ઉઠી છે. પાણી ગરમ કરવાનું બોઇલર ફાટવાની કારણે આગ લાગી હોવાની શક્યતાઓ હાલ સેવાઈ રહી છે. ભીષણ આગ લાગતા 19 લોકોના મોત નીપજ્યાં હતા. ત્યારે આગ પર કાબૂ મેળવવા ડીસા, થરા અને પાલનપુર ફાયર ફાઈટરની ઘટના સ્થળે પહોંચી પાણીનો મારો ચલાવી રહી છે.
ડીસા GIDC વિસ્તારમાં ફટાકડાના ગોડાઉનમાં આગ લાગી છે. જેમાં 20થી 25 શ્રમિકો ગોડાઉનમાં કામ કરતા હતા. આગ લાગતા અંદાજિત 19 શ્રમિકોના મોત થયા હોવાનું સામે આવી રહ્યું છે. 5થી 6 ઘાયલ લોકોને ડીસા સિવિલ હોસ્પિટલમાં સારવાર અર્થે ખસેડાયા છે. પોલીસ, ફાયર બ્રિગેડ, કલેક્ટર સહિત તમામ અધિકારી ઘટના સ્થળે પહોંચ્યા છે. હજુ પણ મોતનો આંકડો વધી શકે તેવી શક્યતાઓ છે.
ડીસા GIDCમાં વિસ્તારમાં ઢુવા રોડ આગની ઘટનામાં મૃત્યુઆંક 19એ પહોંચ્યો છે. ફટાકડાના ગોડાઉનમાં 20થી 25 મજૂરો કામ કરી રહ્યા હતા. અન્ય લોકો દાઝ્યા હોવાનું સામે આવી રહ્યું છે. ઘટનાના પગલે ઘાયલોને એમ્બ્યુલન મારફતે હોસ્પિટલ ખસેડવામાં આવ્યા છે. આગને પગલે વિસ્તારમાં આજુબાજુના લોકોમાં ભયનો માહોલ ફેલાયો છે. જિલ્લા કલેક્ટર સહિત તંત્રની ટીમ ઘટના સ્થળે પહોંચી છે. હાલ કાટમાળ નીચેથી મૃતકોની લાશને નીકાળવામાં આવી રહી છે.
ડીસામાં GIDCમાં દારૂખાનાની ફેક્ટરીમાં આગ લાગતા 19 લોકોના મોત થયા હોવાનું સામે આવ્યું છે. દીપક ટ્રેડર્સ નામની દારૂખાનું બનાવતી ફેક્ટરીમાં આજે સવારે બોઈલર ફાટવાને કારણે બ્લાસ્ટ થયો હતો. કાટમાળમાંથી લાશો નીકાળનાર વ્યક્તિએ કેફિયત રજૂ કરી હતી.
ડીસા આગ કાંડને લઈને સૌથી મોટા સમાચાર મળી રહ્યા છે. ફટાકડાની ફેક્ટરી ગેરકાયદેસર હોવાનું ડીસા પ્રાંત અધિકારીએ જણાવ્યું છે. પ્રાંત અધિકારીએ કહ્યું કે જવાબદારો સામે એફઆઇઆર થશે. તેમજ કાયદાકીય કાર્યવાહી કરવામાં આવશે.
જિલ્લા પોલીસ વડાએ જણાવ્યું હતું કે, દીપક ટ્રેડર્સની ગેરકાયદેસર ફટાકડાની ફેક્ટરી ધમધમતી હતી. પોલીસે વીડિયોગ્રાફી સાથે આ ફેક્ટરીનો અભિપ્રાય નેગેટિવ આપ્યો હતો. એલસીબી SOG અને પોલીસની ત્રણ ટીમો આરોપીને શોધવા રાજસ્થાન અને અમદાવાદ રવાના થઈ છે. જવાબદારો સામે એફઆઇઆર થશે અને તેમની સામે કડક કાર્યવાહી થશે. અભિપ્રાય નેગેટિવ હતો એટલે સ્ટોકિષ્ટ પણ ન કહી શકાય અને આ તમામ ફેક્ટરી છે એ ગેરકાયદેસર કહી શકાય.
