છત્તીસગઢના ખેડૂતોને મળશે રૂ.10 હજાર, CM વિષ્ણુદેવ સાઇએ આપેલું વચન પૂરું કર્યું

CM Vishnu Deo Sai: છત્તીસગઢમાં ભૂમિહીન ખેડૂતો માટે રાજ્ય સરકાર એક ખાસ ભેટ લઈને આવી છે. દીનદયાળ ઉપાધ્યાય ભૂમિહીન કૃષિ મજૂર કલ્યાણ યોજના હેઠળ, રાજ્યના દરેક ભૂમિહીન ખેડૂતને વાર્ષિક 10,000 રૂપિયા મળશે. છત્તીસગઢના મુખ્યમંત્રી કાર્યાલયે માહિતી આપી હતી કે ‘દીન દયાળ ઉપાધ્યાય ભૂમિહીન કૃષિ મજૂર કલ્યાણ યોજના’ હેઠળ મુખ્યમંત્રી વિષ્ણુ દેવ સાઇની જાહેરાત મુજબ, ભૂમિહીન ખેતમજૂરોને વાર્ષિક 10 હજાર રૂપિયાની નાણાકીય સહાય આપવામાં આવશે.

हमारी सरकार "दीनदयाल उपाध्याय भूमिहीन कृषि मजदूर कल्याण योजना" के अंतर्गत भूमिहीन परिवारों को प्रतिवर्ष ₹10000 की आर्थिक सहायता राशि देने जा रही है।

इसके लिए हमारी सरकार के बजट में ₹500 करोड़ का प्रावधान किया गया है। pic.twitter.com/GDTswnFoTX

— Vishnu Deo Sai (@vishnudsai) May 18, 2024

સીએમ વિષ્ણુ દેવ સાઇએ સોશિયલ મીડિયા પ્લેટફોર્મ X પર પણ કહ્યું કે અમારી સરકાર “દીનદયાળ ઉપાધ્યાય ભૂમિહીન કૃષિ મજૂર કલ્યાણ યોજના” હેઠળ ભૂમિહીન પરિવારોને વાર્ષિક ₹10,000ની નાણાકીય સહાય આપવામાં આવશે. આ માટે, અમારી સરકારના બજેટમાં ₹500 કરોડની જોગવાઈ કરવામાં આવી છે.”

धान खरीदी प्रक्रिया के पश्चात प्रदेश के लगभग 27 लाख किसानों को हमारी सरकार प्रति क्विंटल अंतर की राशि 800 रूपये का एकमुश्त भुगतान फरवरी 2025 में करेगी। #CabinetDecision pic.twitter.com/TYcUFgxD2Y

— Vishnu Deo Sai (@vishnudsai) January 19, 2025

છત્તીસગઢમાં ભારતીય જનતા પાર્ટીની સરકારે એક વર્ષ પૂર્ણ કર્યું છે. આ પ્રસંગે, શક્તિ જિલ્લા મુખ્યાલય ખાતે એક કાર્યક્રમનું આયોજન કરવામાં આવ્યું હતું. આ કાર્યક્રમ દરમિયાન સીએમ વિષ્ણુ દેવ સાઇએ જણાવ્યું હતું કે હવે રાજ્યના ગ્રામીણ ભૂમિહીન મજૂરોને વાર્ષિક 10,000 રૂપિયાની રકમ આપવામાં આવશે. તેમણે કહ્યું કે રાજ્યના 5 લાખ 62 હજાર કામદારોને આનો લાભ મળશે. મુખ્યમંત્રીએ કહ્યું કે જ્યારથી તેમની સરકાર બની છે, ત્યારથી તેઓ મોદીની દરેક ગેરંટી પૂરી કરી રહ્યા છે.

આ પણ વાંચો: ખો-ખો વર્લ્ડ કપમાં નેપાળને હરાવીને ભારતીય મહિલા ટીમનો ભવ્ય વિજય, ડાંગની ઓપિના ભિલારેનું શ્રેષ્ઠ પ્રદર્શન

વિધાનસભા ચૂંટણીમાં પણ આપ્યું હતું વચન
2023ની વિધાનસભા ચૂંટણી દરમિયાન પણ ભારતીય જનતા પાર્ટીએ વચન આપ્યું હતું કે જો તે સત્તામાં આવશે તો ભૂમિહીન ખેડૂતોને વાર્ષિક 10,000 રૂપિયા આપવામાં આવશે અને હવે સરકાર આ વચન પૂર્ણ કરી રહી છે. સીએમએ જણાવ્યું હતું કે ડાંગરની ખરીદી પૂર્ણ થયા પછી, દરેક ક્વિન્ટલ માટે બધા ખેડૂતોના ખાતામાં વધારાના 800 રૂપિયા મોકલવામાં આવશે. તેમણે X પર લખ્યું, “ડાંગરની ખરીદી પ્રક્રિયા પછી, અમારી સરકાર ફેબ્રુઆરી 2025માં રાજ્યના લગભગ 27 લાખ ખેડૂતોને પ્રતિ ક્વિન્ટલ 800 રૂપિયાના તફાવતની રકમની એકમ રકમ ચૂકવશે.”