ચાર મોડસ ઓપરેન્ડીથી થાય છે UPI ફ્રોડ, જાણો કેવી રીતે બચી શકશો
અમદાવાદઃ સાયબર ક્રાઇમ સામે લડત આપવા માટે સૌ પ્રથમ કોઇપણ નાણાંકીય છેતરપિંડી થઈ હોય તો તાત્કાલિક 1930 ડાયલ કરીને ફરિયાદ નોંધાવી શકાય છે. આ ઉપરાંત www.cybercrime.gov.in પર ઓનલાઇન ફરિયાદ નોંધાવી શકાય છે.
આજના ડિજિટલ યુગમાં ટેક્નોલોજીનો મહત્તમ ઉપયોગના પગલે સાયબર ક્રાઇમના ગુનાઓ પણ વધી રહ્યા છે. રોજિંદા કાર્યમાં આપણે સવલત માટે ઓનલાઇન માધ્યમોનો ઉપયોગ કરીએ છીએ, ત્યારે આપણે સાથે મળીને ‘ડિજીટલ સ્વચ્છતા’ હામી બનીએ. સાયબર ક્રાઇમના અવનવા ક્રાઇમ થઈ રહ્યા છે, ત્યારે આપણે યુપીઆઇ ફ્રોડ કેવી રીતે થાય છે અને તેનાથી કેવી રીતે બચી શકાય તે જાણીએ.
યુપીઆઇ ફ્રોડની મુખ્ય ચાર મોડસ ઓપરેન્ડીઃ
યુપીઆઇ દ્રારા હેકર્સ મુખ્ય ચાર મોડસ ઓપરેન્ડીથી છેતરપિંડી કરી રહ્યા છે, જેને ઓળખી-ઓળખાવીને સાયબક ક્રાઇમ ગુનાથી બચી શકાય છે.
- ઇ- કોમર્સ છેતરપિંડીઃ હેકર્સ ઇ-કોમર્સ સાઇટસ પર મોંધી વસ્તુઓ ખૂબ સસ્તામાં વેચવાની લાલચ આપે છે. આ લાલચથી ગ્રાહક પેમેન્ટ કરે છે. પેમેન્ટ કર્યા બાદ ખામી વાળી અથવા નકામી વસ્તુની ડિલિવરી થાય છે અથવા ડિલિવરી પણ થતી નથી. વધુમાં ગ્રાહક રિફંડ માગે તો તેમના દ્વારા મોકલેલી લિન્ક પર ક્લિક કરતા ગ્રાહકના એકાઉન્ટમાંથી પૈસા ખાલી થઈ જાય છે.
- ભૂલથી રૂપિયા જમા કરાવવાઃ હેકર્સ પહેલાં ગ્રાહકના એકાઉન્ટમાં પૈસા જમા કરે છે અને પછી ભૂલથી જમા કરાવ્યા છે, એમ કહી પૈસા પરત લેવા માટે લિન્ક મોકલે છે. આ લિન્ક પર ક્લિક કરવાથી એકાઉન્ટમાંથી રકમ ઉધાર થઈ જાય છે.
- લોટરી છેતરપિંડીઃ ગ્રાહકને લોટરી જીતી હોવાની વાત કહીને એકાઉન્ટમાં પૈસા જમા કરાવવા માટે લિન્ક મોકલવામાં આવે છે, જેના પર ક્લિક કરતા નાગરિકોના બેન્ક એકાઉન્ટમાંથી રૂપિયા ઉધાર થઈ જાય છે.
- ફિશિંગ બેન્ક URL: ફિશિંગ બેન્ક લિન્ક દ્વારા નકલી બેન્કની વેબસાઇટ પર લઈ જવામાં આવે છે, જ્યાં યુઝરને યુપીઆઇની માહિતી દાખલ કરવા માટે કોઇપણ રીતે મજબૂર કરવામાં આવે છે. આ યુઝર યુપીઆઇની માહિતી દાખલ કરે જેથી યુઝર બેન્ક એકાઉન્ટમાંથી રૂપિયા ડેબિટ થઈ જાય છે
સ્પૂફિંગ અટકાવવા માટે મહત્વના ઉપાયોઃ
- અનઅધિકૃત લિન્ક પર ક્લિક ન કરો.
- પીન-ઓટીપી ક્યારે શેર ન કરો.
- સુરક્ષિત વાઇ-ફાઇ પર ટ્રાન્ઝેકશન કરો.
- પેમેન્ટ રિકવેસ્ટને ધ્યાનથી ચેક કરો.
