લગ્નના 8 વર્ષ બાદ અભિનેત્રી સાગરિકા અને ક્રિકેટર ઝહીર ખાન બન્યા મમ્મી-પપ્પા, દીકરાને આપ્યો જન્મ
Zaheer Khan: ભારતીય ક્રિકેટ ટીમના ભૂતપૂર્વ ફાસ્ટ બોલર ઝહીર ખાન પપ્પા બની ગયો છે. પત્ની સાગરિકા ઘાટગેએ પુત્રને જન્મ આપ્યો. બંનેએ સોશિયલ મીડિયા પર પોતાના ચાહકો સાથે માતા-પિતા બનવાની ખુશી શેર કરી અને પોતાના દીકરા સાથે એક સુંદર તસવીર શેર કરી છે. જે સોશિયલ મીડિયા પર વાયરલ થઈ રહી છે.
લગ્નના 8 વર્ષ પછી સાગરિકા-ઝહીર માતા-પિતા બન્યા
બોલિવૂડ અભિનેત્રી સાગરિકા ઘાટગેએ ઇન્સ્ટાગ્રામ પર એક પોસ્ટ શેર કરી છે. જેમાં તે અને ઝહીર ખાન તેમના દીકરાને ખોળામાં લઈને બેઠો છે. આ તસવીરમાં બંને પોતાના દીકરાનો હાથ પકડીને બેઠા છે. ઝહીર ખાન અને સાગરિકા ઘાટગેનો તેમના પુત્ર સાથેનો ફોટો સોશિયલ મીડિયા પર ઝડપથી વાયરલ થઈ રહ્યો છે. આ ફોટો શેર કરતી વખતે તેણે લખ્યું – પ્રેમ, કૃતજ્ઞતા અને ભગવાનના આશીર્વાદ સાથે અમે અમારા પ્રિય બાળક ફતેહ સિંહ ખાનનું સ્વાગત કરીએ છીએ. સાગરિકાની આ પોસ્ટ સોશિયલ મીડિયા પર વધુને વધુ વાયરલ થઈ રહી છે. ક્રિકેટર સુરેશ રૈનાથી લઈને અંગદ બેદી સુધી દરેક લોકોએ ઝહીર અને સાગરિકાને માતા-પિતા બનવા બદલ અભિનંદન આપ્યા છે.
View this post on Instagram
તમને જણાવી દઈએ કે ભારતીય ટીમના ભૂતપૂર્વ ક્રિકેટર ઝહીર ખાને 23 નવેમ્બર 2017 ના રોજ ચક દે ઈન્ડિયા અભિનેત્રી સાગરિકા ઘાટગે સાથે લગ્ન કર્યા હતા. બંનેએ રજિસ્ટર્ડ મેરેજ કર્યા હતા. ત્યારબાદ મુંબઈમાં એક ભવ્ય રિસેપ્શન આપવામાં આવ્યું હતું. તમને જણાવી દઈએ કે આ પહેલા ઝહીર ખાને બોલિવૂડ અભિનેત્રી ઈશા શેરવાનીને 8 વર્ષ સુધી ડેટ કરી હતી. 2011 ના વર્લ્ડ કપ દરમિયાન તેમના લગ્નના સમાચાર આવ્યા હતા, પરંતુ તે પછી તેમના સંબંધોનો અંત આવ્યો અને સાગરિકા તેમના જીવનમાં આવી. ઝહીર ખાનના ક્રિકેટ કરિયરની વાત કરીએ તો, 14 વર્ષના આંતરરાષ્ટ્રીય કરિયરમાં તેણે 92 ટેસ્ટ મેચમાં 311 વિકેટ, 200 વનડે મેચમાં 242 વિકેટ અને 17 ટી20 મેચમાં 17 વિકેટ ઝડપી છે.
