મહાયુતિની જીતમાં હિંદુત્વ અને ધ્રુવીકરણની મહત્વની ભૂમિકા: CM દેવેન્દ્ર ફડણવીસ
Mahayuti Alliance in Maharashtra: મહારાષ્ટ્ર વિધાનસભા ચૂંટણીમાં મહાયુતિની બમ્પર જીતનું સાચું કારણ સામે આવ્યું છે. સીએમ દેવેન્દ્ર ફડણવીસે કહ્યું કે, તાજેતરમાં યોજાયેલી ચૂંટણીમાં મહાયુતિની જીતમાં હિંદુત્વ અને પ્રતિ-ધ્રુવીકરણે મહત્વની ભૂમિકા ભજવી હતી. તેમણે કહ્યું કે હિન્દુત્વ અને વિકાસ એક જ સિક્કાની બે બાજુ છે. ભાજપ હિંદુત્વ જીવન જીવવાની રીત શીખવે છે.
બીજેપી નેતા દેવેન્દ્ર ફડણવીસે ગુરુવારે ત્રીજી વખત મહારાષ્ટ્રના સીએમ તરીકે શપથ લીધા. તેમણે આરોપ લગાવ્યો કે મહાવિકાસ અઘાડીએ સજ્જાદ નોમાની જેવા લોકો સાથે સમાધાન કર્યું છે. એવું કહેવામાં આવ્યું હતું કે 2012માં મુસ્લિમો વિરુદ્ધ નોંધાયેલા રમખાણોના કેસ પાછા ખેંચવામાં આવશે.
ફડણવીસે કહ્યું કે ચૂંટણીમાં મતદાનની ટકાવારી વધી કારણ કે કોંગ્રેસે હિંદુઓને દબાવવાનો પ્રયાસ કર્યો. જ્યારે તમે કોઈને દબાવો છો, ત્યારે તે વધુ મજબૂત બને છે. ચૂંટણીમાં હિન્દુત્વે મહત્વની ભૂમિકા ભજવી હતી અને ધ્રુવીકરણે મહાયુતિ ગઠબંધનને મદદ કરી હતી. અમારી વિકાસ યોજનાઓ અને હિંદુત્વ ચૂંટણીમાં કામ કર્યું. હિન્દુત્વ અને વિકાસ એક સિક્કાની બે બાજુ છે.
તેમણે કહ્યું કે ભાજપનું હિન્દુત્વ જીવન જીવવાની રીત શીખવે છે. તેને ધાર્મિકતા સાથે કોઈ લેવાદેવા નથી. મુસ્લિમોની અલગ-અલગ ધાર્મિક માન્યતાઓ છે. તેથી હિન્દુત્વ પ્રત્યે કોઈએ સંકુચિત વિચાર ન રાખવો જોઈએ. પીએમ મોદીએ પોતાના કામો દ્વારા બતાવ્યું કે સર્વસમાવેશક હિન્દુત્વ શું છે? રાહુલ ગાંધી પર કટાક્ષ કરતા ફડણવીસે કહ્યું કે જેઓ એક સમયે મુસ્લિમ વોટ ગુમાવવાના ડરથી મંદિરોમાં નહોતા જતા તેઓ હવે ખુલ્લેઆમ ત્યાં જાય છે.
