લો બોલો… પાકિસ્તાનમાં ચીની કન્સ્ટ્રક્શન કંપનીને મળી ધમકી, કુખ્યાત ડાકુએ કરી આવી માગ

Pakistan: પાકિસ્તાનમાં કામ કરતી ચીની કન્સ્ટ્રક્શન કંપનીને ધમકી મળી છે. ચાઈનીઝ કંપની કાશ્મીર-કંચકોટ ઈન્ડસ હાઈવેનું બાંધકામ કરી રહી છે. આવી સ્થિતિમાં, કંપનીને મળેલી કથિત ખંડણીની ધમકીએ ગંભીર સુરક્ષા ચિંતાઓ ઊભી કરી છે. માહિતી અનુસાર, ખંડણીની ચિટ મળ્યા બાદ, ચાઇના સિવિલ એન્જિનિયરિંગ કન્સ્ટ્રક્શન કોર્પોરેશને સિંધ સરકારને આ બાબતે જાણ કરી છે.

ચાઈનીઝ કન્સ્ટ્રકશન કંપનીને મળેલા પત્રમાં ખુલાસો થયો છે કે, ડાકુ બુધલે ચાઈનીઝ કંપનીના પ્રોજેક્ટ મેનેજરનો ફોન પર સંપર્ક કર્યો હતો. તેણે 50 લાખ રૂપિયા, બે મોબાઈલ ફોન અને એક મોટરસાઈકલની માંગણી કરી છે. પત્રમાં વધુમાં જણાવાયું છે કે જો તેની માંગણીઓ નહીં સંતોષાય તો લૂંટારાએ કર્મચારીઓને નુકસાન પહોંચાડવાની ધમકી આપી છે. આ પછી કંપનીએ એસએસપી કાશ્મોર અને ડેપ્યુટી કમિશનરને પણ ધમકીઓ વિશે જાણ કરી છે.

કશ્મોરને એસપી અને ડીસી તરફથી સુરક્ષા મળી નથી
મળતી માહિતી મુજબ, ચાઈના સ્ટેટ કન્સ્ટ્રક્શન એન્જિનિયરિંગ કોર્પોરેશને ફેડરલ સરકારને પત્ર લખીને આ વાતનો ખુલાસો કર્યો છે. કહેવાય છે કે બાદલ નામના કુખ્યાત ડાકુએ કન્સ્ટ્રક્શન મેનેજરનો સંપર્ક કર્યો હતો અને વસૂલાતની માંગ કરી હતી. જો તેમની માંગણીઓ નહીં સંતોષાય તો ડાકુઓએ નુકસાન પહોંચાડવાની ધમકી આપી છે. પત્રમાં એમ પણ કહેવામાં આવ્યું છે કે કંપનીએ કશ્મોર એસપી અને ડીસીને ધમકીઓ વિશે જાણ કરી હતી, પરંતુ કોઈ સુરક્ષા પ્રદાન કરવામાં આવી ન હતી.

આ પણ વાંચો: અમારી જમીનનો ઉપયોગ ભારત વિરુદ્ધ નહીં થાય… શ્રીલંકાના રાષ્ટ્રપતિએ PM મોદીને શું કહ્યું?

કંપનીના પત્રના જવાબમાં ગૃહ મંત્રાલયે ડીજી રેન્જર્સને સુરક્ષા સુનિશ્ચિત કરવા સૂચના આપી છે. કંપની અને તેના કર્મચારીઓની સુરક્ષા માટે રેન્જર્સ સહિત સુરક્ષા દળો આ વિસ્તારમાં સક્રિય થયા હોવાના અહેવાલ છે. જોકે, પાકિસ્તાનમાં આ પહેલી ઘટના નથી. તાજેતરમાં જ કરાચી એરપોર્ટ નજીક ચીની એન્જિનિયરો પર પણ હુમલો થયો હતો. આ આતંકી હુમલામાં 2 ચીની નાગરિકો સહિત ત્રણ લોકોના મોત થયા હતા.