Chardhaam Yatra દરમિયાન અત્યાર સુધીમાં 52 લોકોના મોત, સૌથી વધુ Kedarnathમાં મૃત્યુ

Uttarakhand: ચારધામ યાત્રા દરમિયાન અત્યાર સુધીમાં 52 લોકોના મોત થયા છે. જેમાંથી બદ્રીનાથમાં 14, કેદારનાથમાં 23, ગંગોત્રીમાં 03 અને યમુનોત્રીમાં 12 શ્રદ્ધાળુઓએ જીવ ગુમાવ્યા છે. છેલ્લા 10 વર્ષમાં કેદારનાથમાં 350 શ્રદ્ધાળુઓના મોત થયા છે, જેનું મુખ્ય કારણ છાતીમાં દુખાવો, બેચેની અને હાર્ટ એટેક છે. બદ્રીનાથ ધામની યાત્રાએ આવેલા કેરળના એક ભક્તનું ગુરુવારે કાર્ડિયાક અરેસ્ટને કારણે મૃત્યુ થયું હતું. પરિવારના સભ્યોએ વિષ્ણુપ્રયાગમાં જ અંતિમ સંસ્કાર કર્યા હતા. અત્યાર સુધીમાં બદ્રીનાથ ધામની યાત્રાએ આવેલા આઠ શ્રદ્ધાળુઓનું હૃદય બંધ થવાથી મૃત્યુ થયું છે.

હેમકુંડ સાહિબના દર્શન કરવા આવેલા પંજાબના એક પ્રવાસીનું મોત થયું
કેરળના તિરુવનંતપુરમથી ચાર મહિલાઓ અને બે પુરૂષો બદ્રીનાથ દર્શન માટે આવ્યા હતા. બુધવારે કાર્ડિયાક અરેસ્ટને કારણે અચાનક શ્રીનિવાસન (63)નું અવસાન થયું હતું. CMO ડૉ. રાજીવ શર્માએ આ વાતની પુષ્ટિ કરી છે. આ પછી પરિવારજનો મૃતદેહને વિષ્ણુપ્રયાગ લઈ આવ્યા, પરંતુ તેમની પાસે અંતિમ સંસ્કાર કરવા માટે કોઈ સામગ્રી ન હતી. આ અંગે તેમણે જોશીમઠ નગરપાલિકા પાસે મદદ માંગી હતી. આના પર પાલિકાએ તેમને સામગ્રી પૂરી પાડી હતી, ત્યારબાદ જ અંતિમ સંસ્કાર કરવામાં આવ્યા હતા.

હેમકુંડ સાહિબની યાત્રાએ આવેલા પંજાબના એક યાત્રીનું કાર્ડિયાક અરેસ્ટને કારણે મોત થયું હતું. હેમકુંડ સાહિબના દરવાજા 25 મેના રોજ ખુલશે અને પ્રથમ બેચ શુક્રવારે ગોવિંદઘાટથી ખંગરિયા જવા રવાના થશે. કેટલાક ભક્તો પહેલેથી જ ધાંધરિયા પહોંચી રહ્યા છે. ગોવિંદઘાટના એસઓ લક્ષ્મી પ્રસાદ બિજલવાને જણાવ્યું કે, ગુરુવારે પંજાબના લુધિયાણાના રહેવાસી જસવિંદર સિંહ (60), જે ગોવિંદઘાટથી ઘંગારિયા જઈ રહ્યા હતા, ભુંદરની સામે રામધુંગી પાસે કાર્ડિયાક અરેસ્ટને કારણે મૃત્યુ પામ્યા હતા.