અરવિંદ કેજરીવાલ જેલમાં જ રહેશે! CBIને 3 દિવસના રિમાન્ડ મળ્યા
Delhi Liquor Policy Case: દિલ્હી લિકર પોલિસી કેસમાં CBI દ્વારા ધરપકડ કરાયેલા મુખ્યમંત્રી અરવિંદ કેજરીવાલની મુશ્કેલીઓ વધી ગઈ છે. દિલ્હીની રાઉઝ એવન્યુ કોર્ટે બુધવારે (26 જૂન) અરવિંદ કેજરીવાલને 3 દિવસના CBI રિમાન્ડ પર મોકલ્યા હતા. સીબીઆઈએ આમ આદમી પાર્ટીના કન્વીનર અરવિંદ કેજરીવાલને 29 જૂને સાંજે 7 વાગ્યા પહેલા ફરી કોર્ટમાં રજૂ કરવા પડશે. સીબીઆઈએ રાઉઝ એવન્યુ કોર્ટમાં અરવિંદ કેજરીવાલની પાંચ દિવસની કસ્ટડી માંગી હતી. કોર્ટે તેને ત્રણ દિવસના રિમાન્ડ પર મોકલી દીધા છે.
#WATCH | Delhi CM and AAP National Convenor Arvind Kejriwal taken from the Rouse Avenue Court in Delhi.
The Court has sent him to a 3-day CBI remand in connection with the Excise policy case. pic.twitter.com/c5cLt4Z0Ou
— ANI (@ANI) June 26, 2024
રિમાન્ડ દરમિયાન કેજરીવાલ પત્ની સુનીતા અને વકીલને 30-30 મિનિટ સુધી મળી શકશે
કોર્ટે રિમાન્ડ દરમિયાન અરવિંદ કેજરીવાલની પત્ની સુનીતા કેજરીવાલને દરરોજ 30 મિનિટ મળવાની સૂચના પણ આપી છે. આ સાથે AAP નેતાને દરરોજ 30 મિનિટ માટે તેમના વકીલને મળવાનો સમય પણ આપવામાં આવ્યો છે. રિમાન્ડ દરમિયાન કોર્ટે કેજરીવાલને તેમની દવાઓ અને ઘરે બનાવેલું ભોજન આપવાનો પણ નિર્દેશ આપ્યો છે.
સુનાવણી દરમિયાન કેજરીવાલની તબિયત બગડી હતી
બુધવારે કોર્ટમાં સુનાવણી દરમિયાન AAP નેતા અરવિંદ કેજરીવાલની તબિયત લથડી હતી. આ પછી ખબર પડી કે કેજરીવાલનું શુગર લેવલ નીચે ગયા બાદ તેને બીજા રૂમમાં બેસાડવામાં આવ્યા હતા. તેમને ખાવા માટે ચા અને બિસ્કિટ પણ આપવામાં આવ્યા હતા. આ દરમિયાન કેજરીવાલ સાથે તેમની પત્ની સુનીતા કેજરીવાલ પણ કોર્ટ રૂમમાં હાજર હતા.
Delhi CM #ArvindKejriwal being produced at the Rouse Avenue Court by CBI for a hearing in the liquor policy scam case . pic.twitter.com/i1EOwr7hbT
— Amitabh Chaudhary (@MithilaWaala) June 26, 2024
આખી સિસ્ટમ એ કોશિશ કરી રહી છે કે આ વ્યક્તિ બહાર ન આવે: સુનીતા કેજરીવાલ
આ પહેલા સુનીતા કેજરીવાલે સીબીઆઈ દ્વારા તેમના પતિ અરવિંદ કેજરીવાલની ધરપકડ પર પ્રતિક્રિયા આપી હતી. X પર પોસ્ટ કરીને, તેણે કહ્યું, 20 જૂને અરવિંદ કેજરીવાલને જામીન મળી ગયા. EDએ તરત સ્ટે મેળવ્યો. બીજા જ દિવસે સીબીઆઈએ તેમને આરોપી બનાવ્યા અને આજે ધરપકડ કરી. વ્યક્તિ જેલમાંથી બહાર ન આવે તે માટે સમગ્ર તંત્ર પ્રયાસ કરી રહ્યું છે. આ કાયદો નથી. આ સરમુખત્યારશાહી છે, આ કટોકટી છે.
20जून अरविंद केजरीवाल को बेल मिली। तुरंत ED ने stay लगवा लिया। अगले ही दिन CBI ने accused बना दिया।और आज गिरफ़्तार कर लिया। पूरा तंत्र इस कोशिश में है कि बंदा जेल से बाहर ना आ जाये। ये क़ानून नहीं है। ये तानाशाही है, इमरजेंसी है।
— Sunita Kejriwal (@KejriwalSunita) June 26, 2024
ધરપકડ પર CBIએ શું કહ્યું?
અરવિંદ કેજરીવાલની ધરપકડ અંગે સીબીઆઈએ કહ્યું કે જો દિલ્હીના સીએમની સુપ્રીમ કોર્ટ દ્વારા વચગાળાના જામીન સમયે ધરપકડ કરવામાં આવી હોત તો તેનાથી માનનીય કોર્ટના આદેશ પર ખોટો સંદેશ ગયો હોત. સીબીઆઈએ કહ્યું કે આ કારણે તે સમયે કેજરીવાલની ધરપકડ કરવામાં આવી ન હતી.
