Gujarat Highcourtમાં નોકરી માટે સુવર્ણતક, કુલ 1318 જગ્યાઓ પર ભરતી

Gujarat HC Recruitment 2024: ગુજરાત હાઈકોર્ટમાં બમ્પર ભરતીઓ થઈ રહી છે. ગુજરાત હાઈકોર્ટમાં નોકરી કરવા ઈચ્છતા ઉમેદવારો માટે આ એક મોટી તક છે. જાહેર કરાયેલા નોટિફિકેશન મુજબ, સ્ટેનોગ્રાફર ગ્રેડ II, ડેપ્યુટી સેક્શન ઓફિસર, કોમ્પ્યુટર ઓપરેટર (આઇટી સેલ), કોર્ટ એટેન્ડન્ટ, કોર્ટ મેનેજર, પ્રોસેસ સર્વર/બેલિફ સહિત ઘણી ખાલી જગ્યાઓ પર ભરતી થવાની છે. રસ ધરાવતા અને લાયક ઉમેદવારો exams.nta.ac.in/HCG પર ઑનલાઇન અરજી કરી શકે છે અને વધુ માહિતી મેળવી શકે છે.

ખાલી જગ્યા વિગતો
ગુજરાત હાઈકોર્ટ ભરતી 2024 હેઠળ, સ્ટેનોગ્રાફર ગ્રેડ II, ડેપ્યુટી સેક્શન ઓફિસર, કોમ્પ્યુટર ઓપરેટર (આઈટી સેલ), કોર્ટ એટેન્ડન્ટ, કોર્ટ મેનેજર, પ્રોસેસ સર્વર/બેલીફ સહિત કુલ 1318 જગ્યાઓ ભરવાની છે.

– ગુજરાતી સ્ટેનોગ્રાફર ગ્રેડ III – 307 જગ્યાઓ
– ગુજરાતી સ્ટેનોગ્રાફર ગ્રેડ II – 214 જગ્યાઓ
– પ્રોસેસ સર્વર/બેલિફ – 210 જગ્યાઓ
– કોર્ટ એટેન્ડન્ટ – 208 જગ્યાઓ
– કોમ્પ્યુટર ઓપરેટર (આઈટી સેલ) – 148 જગ્યાઓ
– ડેપ્યુટી સેક્શન ઓફિસર – 122 જગ્યાઓ
– અંગ્રેજી સ્ટેનોગ્રાફર ગ્રેડ II – 54 જગ્યાઓ
– ડ્રાઈવર – 34 જગ્યાઓ
– કોર્ટ મેનેજર – 21 જગ્યાઓ

જો તમને આ ભરતીઓમાં રસ હોય તો તમારે 15મી જૂન 2024 પહેલા અરજી કરવાની રહેશે. અરજી કરવાની છેલ્લી તારીખ 15મી જૂન 2024 છે.

આ પણ વાંચો: રાજકોટ અગ્નિકાંડમાં અત્યાર સુધીમાં 11 મૃતદેહ પરિવારને સોંપાયા

ડેપ્યુટી સેક્શન ઓફિસરની લાયકાત અને વય મર્યાદા
તમારી પાસે માન્ય યુનિવર્સિટીમાંથી સ્નાતકની ડિગ્રી હોવી આવશ્યક છે. આ સાથે, તમારે અંગ્રેજી વિષય તરીકે 10મું કે 12મું પાસ કર્યું હોવું જોઈએ.
તમારી પાસે રાજ્ય સરકાર દ્વારા સમયાંતરે નિર્ધારિત કોમ્પ્યુટરના મૂળભૂત જ્ઞાનનું પ્રમાણપત્ર હોવું આવશ્યક છે.
ઓનલાઈન અરજી સબમિટ કરવાની છેલ્લી તારીખે તમારી ઉંમર 18 વર્ષથી ઓછી અને 35 વર્ષથી વધુ ન હોવી જોઈએ.
સરકારના નિયમો મુજબ ઉપલી વય મર્યાદામાં છૂટછાટ આપવામાં આવી શકે છે.

કેવી રીતે ઓનલાઇન અરજી કરવી
સૌ પ્રથમ સત્તાવાર વેબસાઇટ exams.nta.ac.in/HCG પર જાઓ.
હોમપેજ પર દેખાતી લિંક ‘ગુજરાત હાઈકોર્ટ ભરતી 2024’ પર ક્લિક કરો.
આ પછી પૂછવામાં આવેલી વિગતો દાખલ કરો અને ફોર્મ સબમિટ કરો. આ સાથે તમામ દસ્તાવેજો પણ અપલોડ કરો.
તમારા ડિવાઇસ પર ફોર્મ ડાઉનલોડ કરો. પ્રિન્ટઆઉટ લો અને તેને ભવિષ્ય માટે તમારી સાથે રાખો.