બાહોશ મહિલા સરપંચ, પલસાણાના ગંગાધરા ગામે ગટર-રસ્તા પરના દબાણ પર ફેરવ્યું બુલડોઝર
સુરત: વાત કરીએ બાહોશ મહિલા સરપંચની…. પલસાણા તાલુકાના ગંગાધરા ગામ ખાતે સામાન્ય બાબતે થયેલા ઝઘડામાં ગ્રામ પંચાયતનાં સભ્યની હત્યા કરી દેવામાં આવી હતી જેના પ્રયાઘાત આખા ગામમાં પડ્યા હતા. અસામાજિક તત્વો અને દબાણખોરો સામે મહિલા સરપંચે મુહિમ શરૂ કરી હતી. સભ્યની હત્યા કરી અમારી પણ હત્યા થશે પણ અમે ચૂપ બેસવાના નથી. મહિલા સરપંચ પોલીસ બંદોબસ્ત સાથે દબાણ હટાવવા પહોંચ્યા હતા.
પલસાણાના ગંગાધરા ગામ ખાતે રાહુલ મારું નામના યુવાનને ગ્રામ પંચાયતના સભ્યએ ટ્રેક્ટર ધીમું હાંકવા કહેતા રાહુલ મારું અન્ય દસ બાર લોકોને હાથમા લાકડા, પેચીયા, પાના લઇ આવી ગ્રામ પંચાયતનાં સભ્ય હસમુખભાઈ સહીત તેમના પરિવાર પર તૂટી પડ્યા હતા. જેમાં ગંભીર ઇજા થતા હસમુખભાઈ કરુણા મોત નીપજ્યુ હતું. જોકે આખી આ ઘટનામાં આરોપી ટોળાં સામે ગ્રામજનો ફિટકાર વરસાવી રહ્યા હતા. પોલીસે આરોપી સામે ગુનો નોંધી સાતથી વધુ લોકોની અટકાયત કરી હતી, પરંતુ જે રીતે અસામાજિક તત્વોએ ગામને માથે લેતા મહિલા સરપંચ રણચંડી બની હતી અને આરોપીઓ દ્વારા જાહેર રસ્તા અને ગટરો પર ઢોરોના તબેલા અને ગટરો પર ઉકેડા બનાવી દેતા મહિલા સરપંચ સ્થળ પર પહોંચી વિડીયો બનાવી કાર્યવાહી શરૂ કરી હતી. અને આજે પોલીસ બંદોબસ્ત સાથે આરોપીઓ દ્વારા કરવામાં આવેલા દબાણો હટાવવા મહિલા સરપંચ પોલીસ કાફલો અને જે. સી. બી લઇ પહોંચ્યા હતા.
મહિલા સરપંચ ગામમાં બનેલી ઘટનાથી એટલા દુઃખી જોવા મળ્યા હતા અને ગામમાં અસામાજિક તત્વો, લુખ્ખા તત્વો માટે કોઈ જગ્યા નથી અને પંચાયતની સરકારી જગ્યા પર દબાણ કર્યા એ હટાવવાની ચીમકી આપ્યા બાદ આજે દબાણ હટાવવા પહોંચ્યા હતા. આ તત્વો સભ્યની હત્યા કરી શકતા હોય તો અમારી પણ હત્યા કરે પણ અમે ડરવાના નથી અને અસામાજિક તત્વો સામે કાયદેસર લડી લઈશું, ગામમાં જહેર રસ્તા પર તબેલા અને ગટરો પર ઉકેડા અમે ચલાવી લેવાના નથી. તમામ દબાણો દૂર કરવામાં આવશે અને આજે પોલીસ બંદોબસ્ત સાથે દબાણ હટાવયા હતા.
