બોટાદના કુંડળી ગામે ટ્રેન ઉથલાવવાનો પ્રયાસ કરનારા બે આરોપીની ધરપકડ
બોટાદઃ થોડા દિવસ પહેલાં કુંડળી ગામ નજીક રેલવે ટ્રેક પર પાટો મૂકી ટ્રેન ઉથલાવવાનું કાવતરું ઘડવામાં આવ્યું હતું. ત્યારે પોલીસે આ મામલે 2 આરોપીની ધરપકડ કરી છે.
રાણપુરના અળવ ગામના 2 આરોપીઓની બોટાદ પોલીસે ધરપકડ કરી છે. બંને આરોપીઓને ઘટનાસ્થળે નજીક વાડીમાંથી પોલીસે ઝડપી પાડ્યા છે. અગાઉ 25 નવેમ્બરના રોજ 2 આરોપીએ ટ્રેનને ઉથલવાનો પ્રયાસ કર્યો હતો. આર્થિક દેણું થઈ જવાના કારણે આ ષડ્યંત્ર ઘડ્યાનું જિલ્લા પોલીસ વડાએ માહિતી આપી હતી. ટ્રેનને ઉથલાવી ટ્રેનના ડબામાંથી પેસેન્જર નીચે પડે પછી તેને લૂંટવાના ઇરાદે સમગ્ર પ્લાન ઘડ્યો હતો.
પકડાયેલા આરોપીઓનાં નામ
રમેશભાઈ કાનજીભાઈ સલીયા – ઉ. 55 વર્ષ
જયેશભાઇ નાગરભાઈ બાવળિયા – ઉં. 24 વર્ષ
