ભાજપ અને કોંગ્રેસે તેમના સાંસદોને વ્હીપ જારી કર્યો, આવતીકાલે લોકસભામાં હાજર રહેવા જણાવ્યું

Congress Whip To MPs: લોકસભાના અધ્યક્ષની ચૂંટણી સંસદના વિશેષ સત્ર દરમિયાન થવાની છે. શાસક પક્ષ અને વિરોધ પક્ષો વચ્ચે આને લઈને વિવાદ ચાલી રહ્યો છે. આ ચૂંટણી આવતીકાલે એટલે કે બુધવારે યોજાવા જઈ રહી છે. આ ક્રમમાં, કોંગ્રેસે લોકસભામાં તેના સાંસદોને ત્રણ લીટીનો વ્હીપ જારી કરીને આવતીકાલે 26 જૂને ગૃહમાં હાજર રહેવા જણાવ્યું છે.

Congress issues a three-line whip to its party MPs in Lok Sabha to remain present in the House tomorrow, 26th June pic.twitter.com/x9fGMAoOuJ

— ANI (@ANI) June 25, 2024

કોંગ્રેસ સંસદીય દળ વતી સાંસદોને લખેલા પત્રમાં કહેવામાં આવ્યું છે કે, આવતીકાલે લોકસભામાં ખૂબ જ મહત્વપૂર્ણ મુદ્દો લાવવામાં આવશે. લોકસભામાં કોંગ્રેસ પાર્ટીના તમામ સભ્યોને વિનંતી કરવામાં આવે છે કે તેઓ સવારે 11 વાગ્યાથી ગૃહ સ્થગિત થાય ત્યાં સુધી ગૃહમાં હાજર રહે. આ સંદેશને ખૂબ જ મહત્વપૂર્ણ માનવો જોઈએ.” કોંગ્રેસનો આ વ્હીપ કે. સુરેશ દ્વારા જારી કરવામાં આવ્યો છે, જેઓ વિપક્ષ તરફથી લોકસભા અધ્યક્ષના ઉમેદવાર પણ છે. બીજી બાજુ, ભાજપે તેના તમામ સાંસદોને વ્હિપ જારી કરીને બુધવારે લોકસભા અધ્યક્ષની ચૂંટણી માટે સત્ર દરમિયાન હાજર રહેવાનો નિર્દેશ આપ્યો છે.

લોકસભા અધ્યક્ષની તરફેણમાં અને વિરોધમાં દલીલ
1952 પછી પહેલીવાર 18મી લોકસભામાં સ્પીકર પદ માટે લડાઈ થશે.હકિકતે, NDA તરફથી ઓમ બિરલા I.N.D.I.A બ્લોકમાંથી K.K સુરેશ નો સામનો કરશે. શરૂઆતમાં, ભાજપના નેતૃત્વ હેઠળના એનડીએ અને વિપક્ષ વચ્ચે સ્પીકર પદ માટે સહમતિ હોય તેવું લાગતું હતું પરંતુ પછી વિપક્ષે માંગ કરી હતી કે ડેપ્યુટી સ્પીકરનું પદ તેમને આપવામાં આવે, પરંતુ એનડીએએ શરતી સમર્થન સ્વીકારવાનો ઇનકાર કર્યો હતો, જેના કારણે સર્વસંમતિ થઈ શકી નથી.