હરિયાણાના લોકોને મોટી રાહત, વીજળી બિલનું માસિક ભાડું નહીં ફક્ત યૂનિટની જ ચૂકવણી કરવી પડશે
Haryana Electricity Bill: હરિયાણા સરકારે રાજ્યના ઘરેલું વીજળી ગ્રાહકોને મોટી રાહત આપી છે. રાજ્ય સરકાર દ્વારા એવો નિર્ણય લેવામાં આવ્યો છે કે જેટલા યુનિટનો વપરાશ થયો હશે તેટલો જ ચાર્જ આપવો પડશે અને મંથલી મિનિમમ ચાર્જ (MMC) નાબૂદ કરવામાં આવ્યો છે. એવું કહેવામાં આવી રહ્યું છે કે હવે રાજ્યમાં જે લોકોના ઘરોમાં 2 કિલોવોટ સુધીના મીટર લગાવવામાં આવ્યા છે, તેમણે વપરાશમાં લેવાયેલા યુનિટનું જ બિલ ચૂકવવું પડશે. આ નિર્ણયથી રાજ્યના લગભગ 9.5 લાખ વીજ ગ્રાહકોને ફાયદો થવાનો છે. અત્યાર સુધી વીજળી વિભાગ ગ્રાહકો પાસેથી માસિક ફી તરીકે 115 રૂપિયા પ્રતિ કિલોવોટ વસૂલતું હતું. યુનિટ દીઠ ખર્ચવામાં આવતી રકમમાં આ ફી ઉમેરવાથી બિલમાં વધારો થશે.
"Prime Minister Surya Ghar: Free Electricity Scheme" started in Haryana
Electricity bill will be zero in the state@narendramodi @NayabSainiBJP #SuryaGhar #SwatiTandon101 #SocialMediaVibhagBJPHaryana #SocialMediaBJPForGurugram #BJPCentralMedia @BJPForGurugram@BJP4Haryana… pic.twitter.com/eldwDZN5VM
— Swati Tandon ( Modi Ka Parivar ) (@SwatiTandon101) June 17, 2024
માહિતી અનુસરા, મુખ્યમંત્રી નાયબ સિંહ સૈનીએ ઉત્તર હરિયાણા વિદ્યુત વિતરણ નિગમના રાજ્ય સ્તરીય પ્રધાનમંત્રી સૂર્ય ઘર મફત વીજળી યોજના કાર્યક્રમમાં ભાગ લીધો હતો. આ દરમિયાન તેમણે પ્રધાનમંત્રી સૂર્ય ઘર મફત વીજળી યોજનાના લાભાર્થીઓને કાર્ડનું વિતરણ કર્યું હતું. આ યોજના હેઠળ મધ્યમ વર્ગ અને ગરીબ લોકોના ઘરની છત પર રૂફટોપ સોલાર પેનલ લગાવવાની છે. આ સાથે, આ લોકો પૂરતી વીજળી ઉત્પન્ન કરી શકશે અને વીજળીના ઉત્પાદક અને વપરાશકારો બંને બની શકશે. ઉપરાંત આ પહેલથી વીજળીના બિલમાં પણ ઘટાડો થશે.
આ પણ વાંચો: રાજકોટ ગેમ ઝોન અગ્નિકાંડ મામલે હાઇકોર્ટનો આદેશ – ફરજ ચૂકનારા અધિકારીઓને છોડવા નહીં
ઉનાળામાં વીજળીનો વપરાશ વધ્યો
જો પંજાબની વાત કરીએ તો જૂનના 15 દિવસમાં ત્યાં વીજળીનો વપરાશ 2023ના સમાન સમયગાળાની સરખામણીએ 43 ટકા વધ્યો છે. પંજાબની આ વર્ષે અત્યાર સુધીમાં મહત્તમ માંગ 15775 મેગાવોટ રહી છે. ગયા વર્ષે, ડાંગરની સિઝનમાં જૂનના પ્રથમ 15 દિવસમાં મહત્તમ વીજ માંગ 11309 મેગાવોટ અને 23 જૂને 15325 મેગાવોટ હતી. પંજાબ રાજ્યમાં ડાંગરની ખેતીને કારણે આગામી દિવસોમાં વધારાનો કૃષિ ભાર વધવાની ધારણા છે, જેના કારણે વીજળીની સ્થિતિ નિયંત્રણ બહાર જઈ શકે છે. AIPEF એ અગાઉ પણ વડા પ્રધાન અને તમામ રાજ્યોના મુખ્ય પ્રધાનોને પત્ર લખીને માંગ કરી છે કે ભારે ગરમીની વર્તમાન પરિસ્થિતિમાં વીજળીની વધતી માંગને ધ્યાનમાં રાખીને હીટ વેવને રાષ્ટ્રીય આપત્તિ જાહેર કરવામાં આવે.
