રાહુલ ગાંધીની જાતિને લઈને મોટો ખુલાસો, આ પંડિતે જણાવ્યું તેમનું ગોત્ર

Rahul Gandhi Caste: આ દિવસોમાં કોંગ્રેસના સાંસદ અને વિપક્ષી નેતા રાહુલ ગાંધીની જાતિને લઈને સંસદમાં હંગામો ચાલી રહ્યો છે. હકીકતમાં, હાલમાં જ ગૃહમાં બીજેપી સાંસદ અનુરાગ ઠાકુરે રાહુલ ગાંધીની જાતિને લઈને પ્રશ્ન ઉઠાવ્યો હતો. જેના પછી વિપક્ષ સતત હંગામો મચાવી રહ્યો છે. વિરોધ પક્ષો અનુરાગ ઠાકુર પાસેથી માફી માંગે તેવી માંગ કરી રહ્યા છે.

આ બધા હોબાળા વચ્ચે ઘણા લોકો એ જાણવા માંગે છે કે રાહુલ ગાંધીની જાતિ શું છે. આ પહેલા પણ ભાજપે રાહુલ ગાંધીના હિન્દુ હોવા પર અનેકવાર સવાલો ઉઠાવ્યા છે, આવી સ્થિતિમાં વધુને વધુ લોકો એ જાણવા માંગે છે કે શું રાહુલ ગાંધી કઈ જાતિના છે અને તેમનો ધર્મ શું છે.

રાજીવ અને સંજય ગાંધીને માતાનું ગોત્ર મળ્યું
અહીં અમે તમને રાહુલ ગાંધીની જાતિ વિશે વિગતવાર જણાવી રહ્યા છીએ. પંડિત ઓમકારનાથ શાસ્ત્રી કહે છે કે રાહુલ ગાંધી કાશ્મીરી પંડિત છે. તેણે આ પાછળનું કારણ પણ જણાવ્યું. તેઓ કહે છે કે ઈન્દિરા ગાંધી બ્રાહ્મણ હતા. તેમના લગ્ન ફિરોઝ ગાંધી સાથે થયા હતા જેઓ પારસી હતા. તેથી તેની પાસે પોતાનું કોઈ ગોત્ર નહોતું. ઇન્દિરા ગાંધીએ લગ્ન પછી પોતાનો ધર્મ બદલ્યો ન હતો. તેથી તે બ્રાહ્મણ જ રહ્યા હતા. આ રીતે તેમના પુત્રો રાજીવ ગાંધી અને સંજય ગાંધી પણ બ્રાહ્મણ જ રહ્યા. બંનેને માતાનું એક જ ગોત્ર મળ્યું.

આ પણ વાંચો: સુપ્રીમ કોર્ટનો ઐતિહાસિક નિર્ણય, SC-STમાં ક્વોટામાં પણ ક્વોટા પાડવા મંજૂરી

રાજીવ ગાંધીએ પણ બ્રાહ્મણ બનીને ધર્મ બદલ્યો ન હતો

હવે વાત કરીએ રાહુલ ગાંધીના પિતા રાજીવ ગાંધીની, તેમણે ઇટાલીની સોનિયા ગાંધી સાથે લગ્ન કર્યા, જેઓ ધર્મથી ખ્રિસ્તી હતા. પરંતુ રાજીવ ગાંધીએ તેમનો ધર્મ બદલ્યો ન હતો. તેથી રાહુલને પણ તેમના પિતાની જાતિ મળી. આ રીતે રાહુલ ગાંધી પણ કૌલ બ્રાહ્મણ જ રહ્યા. પંડિત ઓમકાર નાથ કહે છે કે રાહુલ ગાંધીનું ગોત્ર દત્તાત્રેય છે. તે કહે છે કે હિંદુ શાસ્ત્રોમાં આવા ઘણા નિયમો છે જે દર્શાવે છે કે બાળકને માતાના ગોત્રનો વારસો મળે છે. રાજીવ ગાંધી અને રાહુલ ગાંધીએ પણ મંદિરોમાં ઘણી વખત કહ્યું છે કે તેઓ કૌલ બ્રાહ્મણ છે.