કેનેડિયન સંસદમાં ઘૂસણખોરીનો પ્રયાસ! શંકાસ્પદ વ્યક્તિની ધરપકડ, પોલીસે લોકડાઉન લાગુ કર્યું

Canada: ઓટ્ટાવામાં કેનેડિયન સંસદના પૂર્વ બ્લોકમાં એક અજાણ્યો માણસ ઘૂસ્યા બાદ લોકડાઉન લગાવવામાં આવ્યું.. પોલીસે લોકોને સલામત સ્થળે સંતાઈ જવા અને દરવાજા બંધ કરવાનો આદેશ આપ્યો. આ ઘટના પછી વેલિંગ્ટન સ્ટ્રીટ બંધ કરી દેવામાં આવી હતી અને ખાસ યુનિટ બોલાવવામાં આવી હતી. કલાકોની મહેનત બાદ પોલીસે શંકાસ્પદ યુવકની ધરપકડ કરી લીધી છે, પરંતુ હજુ સુધી એ જાણી શકાયું નથી કે યુવક કયા ઇરાદાથી સંસદમાં ઘુસ્યો હતો. જોકે, પોલીસ આ મામલાની તપાસમાં વ્યસ્ત છે.

ઓટાવા પોલીસે જણાવ્યું હતું કે તે વ્યક્તિ શનિવારે બપોરે પાર્લામેન્ટ હિલના પૂર્વ બ્લોકમાં પ્રવેશ્યો હતો અને સાંજ સુધી ત્યાં જ રહ્યો હતો. આ પછી બપોરે 2.45 વાગ્યે ચેતવણી જારી કરવામાં આવી હતી અને અંદર રહેલા લોકોને નજીકના રૂમમાં આશ્રય લેવાનું કહેવામાં આવ્યું હતું. બધા દરવાજા બંધ કરી તાળું મારીને છુપાવી દો. આ પછી પોલીસે પોતાનું કામ શરૂ કર્યું. રવિવારે સવારે પોલીસે યુવકને કસ્ટડીમાં લીધો હતો. હાલમાં, યુવકના સંસદમાં પ્રવેશવા પાછળનો હેતુ શું હતો તે અંગે તપાસ ચાલી રહી છે. પોલીસ યુવકના બેકગ્રાઉન્ડની પણ તપાસ કરી રહી છે.

સંસદમાં લોકડાઉન ચાલુ રહેશે
ઓટાવાના સંસદ ભવનમાં બનેલી આ ઘટનાએ સમગ્ર દેશને હચમચાવી દીધો છે. આ જ કારણ છે કે આ સમગ્ર મામલાની તપાસ માટે ખાસ ટીમો તૈનાત કરવામાં આવી છે. હાલમાં પોલીસે સંસદ ભવન અને આસપાસના વિસ્તારોમાં લોકડાઉન લાગુ કરી દીધું છે. અહીં કોઈને જવાની મંજૂરી નથી. કારણ કે પોલીસ આ મામલાની બારીકાઈથી તપાસ કરી રહી છે. યુવક જે વિસ્તારમાં પ્રવેશ્યો એટલે કે ઈસ્ટ બ્લોક ત્યાં સેનેટરો અને તેમના સ્ટાફની ઓફિસો આવેલી છે.