1 મહિનાથી અંતરિક્ષમાં ફસાયેલા સુનીતા વિલિયમ્સનો વીડિયો આવ્યો સામે
NASA: નાસાના બે અવકાશયાત્રીઓ, ભારતીય મૂળના સુનીતા વિલિયમ્સ અને બૂચ વિલમોર અઠવાડિયાથી અવકાશમાં ફસાયેલા છે. હજુ પણ તેના માટે પરત ફરવું શક્ય બન્યું નથી. જેને લઈને સૌ ચિંતિત છે. સુનિતા વિલિયમ્સ અને બૂચ વિલ્મોર નાસાના બોઇંગ સ્પેસ કેપ્સ્યુલમાં તકનીકી ખામીને કારણે અવકાશમાં ફસાયા છે. જોકે, તેમણે પ્રેસ કોન્ફરન્સ કરીને તમામની ચિંતાઓને શાંત કરી દીધી છે.
ઇન્ટરનેશનલ સ્પેસ સ્ટેશન પર ડોકીંગ કર્યા પછી તેમની પ્રથમ પ્રેસ કોન્ફરન્સમાં, સુનિતા વિલિયમ્સ અને બેરી વિલ્મોરે કહ્યું કે તેઓને વિશ્વાસ છે કે બોઇંગ સ્ટારલાઇનર કેપ્સ્યુલ તેમને ઘરે લાવશે. વિલ્મોરે વધુમાં કહ્યું કે તે સંપૂર્ણ આત્મવિશ્વાસ ધરાવે છે અને નિષ્ફળ થવાનો કોઈ વિકલ્પ નથી, તેથી અમે રોકી રહ્યા છીએ. તેમણે સ્વીકાર્યું કે નાસા અને બોઇંગ દ્વારા પૃથ્વી પર થ્રસ્ટર પરીક્ષણોની ચાલી રહેલી તપાસ તેમના પરત આવવા માટે મહત્વપૂર્ણ છે.
આ પણ વાંચો: કઠુઆમાં જમ્મુ-કાશ્મીર અને પંજાબના DGPની બેઠક, સર્જીકલ ઓપરેશન માટે જંગલમાં ઘૂસ્યા પેરા કમાન્ડો
અવકાશમાં ક્યારે ગયા?
નાસાના અવકાશયાત્રીઓ વિલિયમ્સ અને બેરી વિલ્મોરને 5 જૂનના રોજ ફ્લોરિડાથી સ્ટારલાઇનર વહાણમાં લોન્ચ કરવામાં આવ્યા હતા અને બીજા દિવસે ISS પર ડોક કરવામાં આવ્યા હતા. જ્યાં તેઓ શરૂઆતમાં લગભગ આઠ દિવસ પસાર કરવાના હતા. પરંતુ સ્ટારલાઇનરમાં એક ખામીએ તેમનું મિશન અનિશ્ચિત સમય માટે લંબાવ્યું છે. સ્પેસ સ્ટેશન સુધી તેમની પહોંચ દરમિયાન સ્ટારલાઈનરના 28 થ્રસ્ટર્સમાંથી પાંચ નિષ્ફળ ગયા અને ઘણા વધુ ખરાબ થઈ ગયા. તેમને સુધારવાના પ્રયાસો ચાલુ છે.
WATCH: Sunita Williams and Barry Wilmore said they were confident the Boeing Starliner capsule would bring them home, in the first news conference since docking to the International Space Station more than a month ago https://t.co/ECeNXNTRcF pic.twitter.com/1JoCrOk9xA
— Reuters Asia (@ReutersAsia) July 11, 2024
ભારતીય મૂળની સુનિતા વિલિયમ્સને જોઈને તેના શુભચિંતકોએ રાહતનો શ્વાસ લીધો છે. નાસા પહેલા જ સ્પષ્ટ કરી ચૂક્યું છે કે ખતરાની જરૂર નથી. પરંતુ તેઓએ હજુ સુનીતાના પરત ફરવાનો સમય જણાવ્યો નથી. આ સિવાય સુનીતાએ અંતરિક્ષમાં ઘણા આશ્ચર્યજનક દ્રશ્યો જોયા છે, બંને મુસાફરોએ પ્રેસ કોન્ફરન્સમાં આ અનુભવો શેર કર્યા છે. તેમણે અવકાશમાંથી એક નાનકડા તોફાનને ચક્રવાતમાં ફેરવાતા જોયા છે.
