ટ્યુશન ક્લાસિસ ચલાવતી શિક્ષિકા સાથે દુષ્કર્મ, 30 લાખ સહિત દાગીના પડાવ્યાં
અમદાવાદઃ ટ્યુશન ક્લાસિસ ચલાવતી શિક્ષિકા સાથે દુષ્કર્મ આચરવામાં આવ્યું છે. પૂર્વ વિદ્યાર્થીના પિતાએ દુષ્કર્મ ગુજાર્યાની ફરિયાદ નોંધાવવામાં આવી છે. આરોપી અશોક નિષાધ સામે ખોખરા પોલીસ સ્ટેશનમાં ફરિયાદ નોંધાઈ છે. ત્યારે પોલીસે પીડિતાની ફરિયાદને આધારે સમગ્ર મામલે કાર્યવાહી હાથ ધરી છે.
આરોપી અશોક નિષાધ વિરુદ્ધ ખોખરા પોલીસ મથકે નોંધાઈ છે. શિક્ષિકાના બિભત્સ વીડિયો રેકોર્ડ કરી 30 લાખ રોકડા પડાવી લીધા છે. એટલું જ નહીં, વીડિયો વાયરલ કરવાની ધમકી આપી 30 તોલા સોના-ચાંદીના દાગીના પણ પડાવી લીધા છે. ફરિયાદી મહિલાનો પતિ દિલ્હી પોલીસમાં ફરજ બજાવે છે. ખોખરા પોલીસે ગુનો નોંધી આરોપીની ધરપકડ માટે કાર્યવાહી હાથ ધરી છે.
આરોપી અશોક નિશાધ એટ્રોસિટીના ગુનામાં વિવેકાનંદ નગર પોલીસની કસ્ટડીમાં હોવાનું સામે આવ્યું છે. ત્યારે આ મામલે ખોખરા પોલીસે આરોપીની ધરપકડ માટે કાયદાકીય પ્રક્રિયા હાથ ધરી છે.
