પરિવાર માટે 18 વર્ષથી ટાયર પંચરનો વ્યવસાય કરતી મહિલાની કહાણી
ભાવેશ ભોજક, પાટણ: કઠોર પરિશ્રમનો કોઈ વિકલ્પ નથી માણસ પરિશ્રમ કરે તો ધારે તેવા પરિણામો લાવી શકે છે. આ કહેવતને પાટણ તાલુકાના કુણઘેર ગામની પરિણીત મહિલાએ સાર્થક કરી છે. આ મહિલા શિક્ષિત તો નથી પરંતુ તેમની કામ કરવાની લગન અને પરિવાર પર આવેલ મુશ્કેલીનો નીડરતા પૂર્વક સામનો કરી પતિના નાના અને કઠોર પરિશ્રમના વ્યવસાયને સ્વીકારી કાળી મજૂરી કરી પરિવારના ભરણપોષણની જવાબદારી ઉપાડી લીધી છે અને આજે આ મહિલા ઘરકામ સાથે ટાયર પંચરનો વ્યવસ્ય કરી બાળકોને ભણાવી રહી છે અથાગ પરિશ્રમ થકી આજે આ મહિલા પરિવાર માટે ઢાલ રૂપ બનવા પામી છે.
