સાંસદ અફઝલ અંસારીને હાઈકોર્ટમાંથી મોટી રાહત, ગેંગસ્ટર કેસમાં સજા રદ
MP Afzal Ansari: ગાઝીપુરના સાંસદ અફઝલ અંસારીને અલ્હાબાદ હાઈકોર્ટમાંથી મોટી રાહત મળી છે. હાઈકોર્ટે કૃષ્ણાનંદ હત્યા કેસમાં ગેંગસ્ટર હેઠળ આપવામાં આવેલી સજાને રદ કરી દીધી છે. અલ્હાબાદ હાઈકોર્ટે અફઝલ અંસારીની અપીલ સ્વીકારી લીધી છે. આ સાથે ગેંગસ્ટર કેસમાં સ્પેશિયલ કોર્ટે આપેલી ચાર વર્ષની સજા રદ કરવામાં આવી છે. હવે અફઝલની સંસદ સભ્યતા અકબંધ રહેશે. આ નિર્ણય જસ્ટિસ સંજય કુમાર સિંહની કોર્ટે આપ્યો હતો.
Uttar Pradesh | Allahabad High Court quashes Ghazipur MP MLA court's order sentencing Samajwadi Party MP from Ghazipur Afzal Ansari under Gangster Act in former BJP MLA Krishnanand Rai murder case.
More details awaited.
(File pic) pic.twitter.com/jPJGIdqoti
— ANI (@ANI) July 29, 2024
ઉલ્લેખનીય છે કે કૃષ્ણાનંદ હત્યા કેસ બાદ શરૂ થયેલા ગેંગસ્ટર કેસમાં ગાઝીપુરની MP MLA કોર્ટે અફઝલ અંસારીને ચાર વર્ષની જેલની સજા ફટકારી હતી. જેની સામે અફઝલ અન્સારીએ સજા રદ કરવા હાઈકોર્ટમાં અપીલ દાખલ કરી હતી અને રાજ્ય સરકાર અને કૃષ્ણાનંદ રાયના પુત્રએ સજામાં વધારો કરવા હાઈકોર્ટમાં અપીલ કરી હતી. આ પહેલા અફઝલની અપીલ હાઈકોર્ટે ફગાવી દીધી હતી, જેની સામે તેણે સુપ્રીમ કોર્ટનો સંપર્ક કર્યો હતો.
સજાને સ્થગિત કરીને સુપ્રીમ કોર્ટે મામલો ફરી સુનાવણી માટે હાઈકોર્ટમાં મોકલી આપ્યો હતો. સુપ્રીમ કોર્ટના આદેશ પર થયેલી સુનાવણી બાદ કોર્ટે 4 જુલાઈના રોજ નિર્ણય સુરક્ષિત રાખ્યો હતો. અફઝલ વતી વરિષ્ઠ વકીલ ગોપાલ સ્વરૂપ ચતુર્વેદી, દયાશંકર મિશ્રા અને ઉપેન્દ્ર ઉપાધ્યાયે દલીલો કરતાં દલીલ કરી હતી કે, કૃષ્ણાનંદ રાય હત્યા કેસને કારણે શરૂ થયેલી ગેંગસ્ટરની કાર્યવાહી ગેરકાયદેસર છે, કારણ કે અફઝલ અન્સારીને કૃષ્ણાનંદ રાયહત્યા કેસમાં નિર્દોષ જાહેર કરવામાં આવ્યો છે.
