પહલગામ હુમલા બાદ અમરનાથ યાત્રા પર ખતરો! સુપ્રીમ કોર્ટમાં PIL દાખલ
Pahalgam Terror Attack: જમ્મુ અને કાશ્મીરના પહલગામમાં પ્રવાસીઓ પર થયેલા આતંકવાદી હુમલાની માત્ર દેશમાં જ નહીં પરંતુ સમગ્ર વિશ્વમાં આકરી નિંદા થઈ રહી છે. સેનાના યુનિફોર્મમાં આવેલા આતંકવાદીઓએ પ્રવાસીઓના જૂથો પર ગોળીબાર શરૂ કરી દીધો હતો. આ હુમલામાં બે વિદેશી પ્રવાસીઓ સહિત 28 લોકોના મોત થયા છે. ઘાટીમાં ઘણી જગ્યાએ લોકો રસ્તા પર ઉતરી વિરોધ પ્રદર્શન કરી રહ્યા છે અને કડક કાર્યવાહીની માંગ કરી રહ્યા છે. આ દરમિયાન, સમાચાર આવી રહ્યા છે કે પહલગામ હુમલા અંગે સુપ્રીમ કોર્ટમાં એક અરજી દાખલ કરવામાં આવી છે.
#WATCH | Pahalgam, J&K | Indian Army personnel arrive at Baisaran meadow, where the terrorist attack took place yesterday that left several people dead and many injured. pic.twitter.com/tgUyaIViBr
— ANI (@ANI) April 23, 2025
અમરનાથ યાત્રીઓની સુરક્ષાની પણ માંગ
પહલગામમાં થયેલા આતંકવાદી હુમલા અંગે બુધવારે સુપ્રીમ કોર્ટમાં એક PIL અરજી દાખલ કરવામાં આવી છે. આ અરજીમાં પ્રવાસીઓની સુરક્ષા અને અમરનાથ યાત્રાળુઓની સુરક્ષા માટે પગલાં લેવાની માંગ પણ કરવામાં આવી છે.
પ્રવાસીઓ વહેલી તકે કાશ્મીર છોડવા માંગે છે
નોંધનીય છે કે, આ આતંકવાદી હુમલા બાદ કાશ્મીરમાં હાજર પ્રવાસીઓના મનમાં ડર છે. દરેક વ્યક્તિ જલદી કાશ્મીર છોડવા માંગે છે, પરંતુ ભૂસ્ખલનને કારણે ઘણા રસ્તાઓ બંધ છે, જેના કારણે લોકોને ભારે મુશ્કેલીનો સામનો કરવો પડી રહ્યો છે.
બારામુલ્લામાં એન્કાઉન્ટરમાં બે આતંકવાદીઓ ઠાર, ઓપરેશન ચાલુ
બારામુલ્લામાં સુરક્ષા દળોને મોટી સફળતા મળી છે. આ એન્કાઉન્ટરમાં સૈનિકોએ બે આતંકવાદીઓને ઠાર માર્યા છે. ભારતીય સેનાએ બુધવારે સોશિયલ મીડિયા પર આ માહિતી આપી. પહલગામ આતંકવાદી હુમલાના એક દિવસ પછી આ કાર્યવાહી કરવામાં આવી છે.
