યુરોપિયન દેશો યુક્રેનને અબજો ડોલરની લશ્કરી સહાય આપશે

Russia Ukraine War: રશિયા સામેના યુદ્ધમાં નબળું પડી ગયેલું યુક્રેનને હવે જોરદાર સમર્થન મળી રહ્યું છે. અમેરિકા દ્વારા અત્યાર સુધી યુક્રેનને મદદ કરવાનો ઇનકાર કર્યા પછી યુક્રેનિયન સૈનિકો મનોબળ ગુમાવી રહ્યાં હતા, પરંતુ હવે યુરોપિયન દેશોએ ખુલ્લેઆમ યુક્રેનને મદદ કરવાનો સંકલ્પ કર્યો છે. યુરોપિયન યુનિયને રશિયા અને યુક્રેન વચ્ચે ચાલી રહેલા યુદ્ધમાં યુક્રેનને મદદ કરવા માટે અબજો ડોલરના વધારાના ભંડોળ મોકલવાનું વચન આપ્યું છે. જેના કારણે યુક્રેનના રાષ્ટ્રપતિ ઝેલેન્સકીનું મનોબળ ફરી વધવા લાગ્યું છે.

અમેરિકી રાજદૂત રશિયાના રાષ્ટ્રપતિ વ્લાદિમીર પુતિનને મળ્યા હતા, જેમાં ત્રણ વર્ષથી વધુ સમયથી ચાલી રહેલા યુદ્ધને સમાપ્ત કરવાની રશિયાની ઈચ્છા પર પ્રશ્નાર્થ ઊભો થયો હતો. યુક્રેને અમેરિકાના યુદ્ધવિરામ પ્રસ્તાવને સમર્થન આપ્યું છે પરંતુ રશિયાએ દૂરગામી શરતો લાદીને તેને અસરકારક રીતે અવરોધિત કર્યો છે. યુરોપિયન સરકારોએ પુતિન પર પીછેહઠ કરવાનો આરોપ લગાવ્યો છે. અમેરિકાના રાષ્ટ્રપતિ ડોનાલ્ડ ટ્રમ્પે સોશિયલ મીડિયા પરની પોતાની પોસ્ટમાં કહ્યું, “યુદ્ધનો અંત લાવવા માટે રશિયાએ આગળ આવવું જોઈએ.” યુદ્ધ “ભયંકર અને નિરર્થક” છે.

અમેરિકા રશિયા પર યુદ્ધવિરામ માટે દબાણ કરી રહ્યું છે
રશિયાએ શુક્રવારે જણાવ્યું હતું કે યુએસ રાજદૂત સ્ટીવ વિટકોફ સેન્ટ પીટર્સબર્ગમાં પુતિનને મળ્યા હતા. વિટકોફ ક્રેમલિન પર યુદ્ધવિરામ સ્વીકારવા દબાણ કરી રહ્યા છે. તેમણે અગાઉ રશિયન રાજદૂત કિરીલ દિમિત્રીવને મળ્યા હતા. રશિયન સમાચાર એજન્સી આરઆઈએ નોવોસ્ટીએ એક અહેવાલમાં જણાવ્યું હતું કે પુતિન અને વિટકોફ વચ્ચેની મુલાકાત સાડા ચાર કલાક ચાલી હતી અને આ સમય દરમિયાન બંનેએ યુદ્ધને સમાપ્ત કરવાના “પસંદગો” પર ચર્ચા કરી હતી. દરમિયાન, શુક્રવારે બ્રસેલ્સમાં યુક્રેનના પશ્ચિમી સમર્થકોની બેઠકની અધ્યક્ષતા કર્યા પછી, બ્રિટિશ સંરક્ષણ સચિવ જોન હીલીએ જણાવ્યું હતું કે નવી લશ્કરી સહાયમાં 21 અબજ યુરોનું વચન આપવામાં આવ્યું છે. તેમણે કહ્યું, “યુક્રેનને આપવામાં આવી રહેલી લશ્કરી સહાયમાં આ અભૂતપૂર્વ વધારો છે.