કુણાલ કામરાનો શૉ જે મુંબઈની હોટેલમાં થયો હતો ત્યાં BMCની ટીમ પહોંચી, તોડફોડ શરૂ
Kunal Kamra: બૃહન્મુંબઈ મ્યુનિસિપલ કોર્પોરેશન (BMC) એ મુંબઈના ખાર વિસ્તારમાં આવેલી યુનિકોન્ટિનેન્ટલ હોટેલ સામે કાર્યવાહી કરી છે. આની અંદર, ‘ધ હેબિટેટ’ સ્ટુડિયોનો એક ભાગ તોડી પાડવામાં આવી રહ્યો છે, જ્યાં કોમેડિયન કુણાલ કામરાનો શો યોજાયો હતો. નોંધનીય છે કે, સ્ટેન્ડ-અપ કોમેડિયનએ મહારાષ્ટ્રના નાયબ મુખ્યમંત્રી એકનાથ શિંદેની મજાક ઉડાવતો એક વીડિયો શૂટ કર્યો હતો. જેને લઈને મોટો વિવાદ ઉભો થયો છે. દરમિયાન, BMCની એક ટીમ સોમવારે હથોડા સાથે સ્ટુડિયો પરિસરમાં પ્રવેશી અને ત્યાં તોડફોડ શરૂ કરી. મીડિયામાં તેની તસવીરો અને વીડિયો સામે આવ્યા છે.
#WATCH | Comedian Kunal Kamra row | BMC (Brihanmumbai Municipal Corporation) initiates demolition of the illegal portion of Habitat Studio, in Mumbai. pic.twitter.com/5Ed5CaqLnj
— ANI (@ANI) March 24, 2025
BMC Inspects @kunalkamra88 show venue, unauthorised shed being removed: The venue in Khar West where comedian Kunal Kamra recently performed is now being inspected by BMC officials.
They are reviewing the ground-plus-three-storey building’s plans and for now found a temporary… pic.twitter.com/3bKaGj8c6s
— Richa Pinto (@richapintoi) March 24, 2025
રાજ્યના પરિવહન મંત્રી પ્રતાપ સરનાઈકે આજે સવારે બીએમસી કમિશનર ભૂષણ ગગરાણી સાથે વાત કરી. આ પછી, એચ-વેસ્ટ વોર્ડના અધિકારીઓને તપાસ કરવાનો નિર્દેશ આપવામાં આવ્યો. અધિકારીઓના જણાવ્યા અનુસાર, આ સ્ટુડિયો 2 હોટલ વચ્ચે અતિક્રમણ કરેલી જમીન પર બનેલો છે. આસિસ્ટન્ટ કમિશનર વિનાયક વિસ્પુતેએ જણાવ્યું હતું કે, ‘સ્ટુડિયો માલિકે કેટલાક ગેરકાયદેસર કામચલાઉ શેડ બનાવ્યા હતા, જેને અમે દૂર કરી રહ્યા છીએ.’ આ માટે નોટિસની જરૂર નથી. મકાનોના પ્લાનની તપાસ કરવામાં આવી રહી છે અને જો અન્ય કોઈ ગેરકાયદે બાંધકામ જણાશે તો આગળની કાર્યવાહી કરવામાં આવશે.
