PM નરેન્દ્ર મોદીએ 2002ના ગોધરાકાંડ વિશે ખુલાસો કર્યો, જાણો તેમણે શું કહ્યું..
Narendra Modi Exclusive Podcast: વડાપ્રધાન નરેન્દ્ર મોદી અને પ્રખ્યાત અમેરિકન પોડકાસ્ટર લેક્સ ફ્રીડમેન વચ્ચેની વાતચીતનો પોડકાસ્ટ આજે રવિવારે રિલિઝ કરવામાં આવ્યો છે. આ વાતચીતમાં પીએમ મોદીએ ઘણા મુદ્દાઓ પર વિગતવાર ચર્ચા કરી છે. આ પોડકાસ્ટમાં તેમણે ગોધરાકાંડના મુદ્દા પર પણ ચર્ચા કરી છે. આવો જાણીએ તેમણે શું કહ્યું…
પીએમ મોદીએ કહ્યું કે, ગોધરાકાંડ અંગે ખોટી વાર્તા ફેલાવવામાં આવી હતી. 2002 પહેલા ગુજરાતમાં 250થી વધુ રમખાણો થયા હતા અને કોમી હિંસા વારંવાર થતી હતી. તેમણે એ પણ જણાવ્યું કે, તે સમય દરમિયાન દુનિયા આતંકવાદી પ્રવૃત્તિઓ અને હિંસામાં વધારો જોઈ રહી હતી. જો કે, 2002 પછીથી ગુજરાત રાજ્યમાં આવા એક પણ રમખાણો થયા નથી.
પીએમએ ભારપૂર્વક જણાવ્યું કે, તેમની સરકાર વોટ બેંકની રાજનીતિમાં સામેલ નથી પરંતુ ‘સબકા સાથ, સબકા વિકાસ, સબકા વિશ્વાસ, સબકા પ્રયાસ’ના સિદ્ધાંતનું પાલન કરે છે. તેમણે એ હકીકત પર પણ પ્રકાશ પાડ્યો કે, રમખાણો પછી લોકોએ તેમની છબી કેવી રીતે ખરાબ કરવાનો પ્રયાસ કર્યો પરંતુ આખરે ન્યાયનો વિજય થયો અને કોર્ટે તેમને ક્લીનચીટ આપી હતી.
