PM મોદી આજે પ્રયાગરાજની મુલાકાતે, જાણો સંપૂર્ણ કાર્યક્રમ
Mahakumbh 2025: વડાપ્રધાન નરેન્દ્ર મોદી આજે પ્રયાગરાજમાં મહાકુંભ મેળાની મુલાકાત લેશે. તેઓ સવારે 11 વાગ્યે સંગમમાં પવિત્ર ડૂબકી લગાવશે અને માતા ગંગાની પૂજા કરશે. પીએમ મોદીની સાથે રાજ્ય સરકારના ઘણા મંત્રીઓ જેમાં સીએમ યોગી આદિત્યનાથ અને બંને નાયબ મુખ્યમંત્રી કેશવ પ્રસાદ મૌર્ય અને બ્રજેશ પાઠક પણ હાજર રહેશે. પીએમ મોદીના આ કાર્યક્રમને ધ્યાનમાં રાખીને પ્રયાગરાજમાં કડક સુરક્ષા વ્યવસ્થા કરવામાં આવી છે.
આ પહેલા પીએમ મોદીએ 13 ડિસેમ્બર 2024ના રોજ પ્રયાગરાજની મુલાકાત લીધી હતી. ત્યારબાદ તેમણે 5500 કરોડ રૂપિયાના 167 વિકાસ પ્રોજેક્ટ્સનું ઉદ્ઘાટન કર્યું હતું. મહાકુંભની શરૂઆત પછી પીએમ મોદીની પ્રયાગરાજની આ પહેલી મુલાકાત છે.
પીએમ મોદીના આ કાર્યક્રમને ધ્યાનમાં રાખીને, પ્રયાગરાજ સહિત સમગ્ર મહાકુંભ મેળામાં કડક સુરક્ષા વ્યવસ્થા કરવામાં આવી છે. ડોગ સ્ક્વોડ અને તોડફોડ વિરોધી ટીમો તમામ મુખ્ય સ્થળોએ પહોંચી અને સ્થળના દરેક ઇંચની સંપૂર્ણ તપાસ કરી. ATS અને NSG સાથે અન્ય સુરક્ષા ટીમોને પણ સતર્ક રાખવામાં આવી છે. સંગમ વિસ્તારમાં અર્ધલશ્કરી દળો પણ તૈનાત છે.
પ્રધાનમંત્રી નરેન્દ્ર મોદી આજે મહાકુંભમાં જશે. આ પહેલા તેમનો પ્રોટોકોલ બદલાઈ ગયો છે. નવા પ્રોટોકોલ મુજબ, હવે પીએમ મોદી મહાકુંભમાં ફક્ત એક કલાક માટે જ રોકાશે. પૂર્વનિર્ધારિત કાર્યક્રમોમાં ભાગ લઈ શકશે નહીં. પીએમ મોદી 5 ફેબ્રુઆરીએ સવારે લગભગ 10.05 વાગ્યે પ્રયાગરાજ એરપોર્ટ પહોંચશે. તેઓ એરપોર્ટથી હેલિકોપ્ટર દ્વારા અરૈલ સ્થિત દિલ્હી પબ્લિક સ્કૂલના હેલિપેડ પર ઉતરશે. આ પછી તેઓ જળમાર્ગ દ્વારા સંગમ પર પહોંચશે.. પ્રધાનમંત્રીનો સ્નાન કાર્યક્રમ સવારે 11.00 થી 11.30 વાગ્યા સુધીનો છે.
આ પણ વાંચો: Delhi-NCRમાં વાવાઝોડા સાથે ભયંકર વરસાદનું એલર્ટ, 12 રાજ્યોને આપી ચેતવણી
પ્રધાનમંત્રી નરેન્દ્ર મોદીના આ કાર્યક્રમ માટે ભક્તોને ધ્યાનમાં રાખીને એક યોજના બનાવવામાં આવી છે, જેથી કોઈને પણ કોઈ મુશ્કેલી ન પડે. વીઆઈપી ઘાટ તરફ જતા રસ્તા પર થોડા સમય માટે ટ્રાફિક પ્રતિબંધિત રહેશે. સંગમ તરફ જતા રસ્તાઓ પર કોઈ ડાયવર્ઝન કે કોઈપણ પ્રકારનો પ્રતિબંધ રહેશે નહીં.
