બ્રાઝિલ પ્લેન ક્રેશમાં 10 લોકોના મોત, ચિમનીથી ટકરાઈ દુકાન પર પડ્યું વિમાન
Brazil: બ્રાઝિલમાં પ્રવાસીઓમાં લોકપ્રિય એવા ગ્રામાડો શહેરમાં રવિવારે એક પ્લેન ક્રેશ થયું હતું, જેમાં 10 મુસાફરો અને ક્રૂ મેમ્બરના મોત થયા હતા. બ્રાઝિલની સિવિલ ડિફેન્સ એજન્સીએ આ જાણકારી આપી છે. સિવિલ ડિફેન્સ એજન્સીએ ટ્વિટર પર એક પોસ્ટમાં જણાવ્યું કે પ્લેન પહેલા એક ઘરની ચીમની સાથે અથડાયું, પછી બિલ્ડિંગના બીજા માળે અથડાયું અને ગ્રામાડોના મુખ્ય રહેણાંક વિસ્તારમાં મોબાઈલ ફોનની દુકાન સાથે અથડાયું.
આ અકસ્માતમાં, જમીન પર હાજર એક ડઝનથી વધુ લોકો ઘાયલ થયા હતા અને તેમને હોસ્પિટલમાં લઈ જવામાં આવ્યા હતા. જેમાંથી બેની હાલત ગંભીર હોવાનું કહેવાય છે. અકસ્માતનું કારણ શું હતું તે હજુ સ્પષ્ટ થયું નથી. બ્રાઝિલના એક શહેરમાં રવિવારે એક નાનું વિમાન ક્રેશ થયું હતું, જે પ્રવાસીઓમાં ખૂબ જ લોકપ્રિય છે. આ દુર્ઘટનામાં વિમાનમાં સવાર તમામ 10 મુસાફરો અને ક્રૂ મેમ્બરના મોત થયા હતા. બ્રાઝિલની નાગરિક સુરક્ષા એજન્સીએ જણાવ્યું કે જમીન પર એક ડઝનથી વધુ લોકો ઘાયલ થયા છે. સ્થાનિક મીડિયાએ અહેવાલ આપ્યો છે કે મુસાફરો એક પરિવારના સભ્યો હતા.
આ પણ વાંચો: ગુજરાતીઓ ધાબળાની સાથે રેઈનકોટ તૈયાર રાખજો, કકડતી ઠંડી વચ્ચે હવામાન વિભાગે કરી વરસાદની આગાહી
