મેરઠમાં પંડિત પ્રદીપ મિશ્રાની કથામાં મચી નાસભાગ, અનેક લોકો ઈજાગ્રસ્ત

Uttar Pradesh: પંડિત પ્રદીપ મિશ્રાની કથામાં ઉત્તર પ્રદેશના મેરઠમાં નાસભાગ મચી ગઈ હતી. નાસભાગમાં ઘણા ભક્તો પડી ગયા અને દબાઈ ગયા છે. પંડિત પ્રદીપ મિશ્રાની કથાનો આજે છઠ્ઠો દિવસ હતો. પોલીસ ઘટનાસ્થળે પહોંચી ગઈ છે અને બચાવ કાર્યમાં લાગેલી છે. કહેવામાં આવી રહ્યું છે કે તેમની કથા સાંભળવા માટે એક લાખથી વધુ લોકો મેરઠ પહોંચ્યા હતા. આવતીકાલે કથાનો છેલ્લો દિવસ છે.

મળતી માહિતી મુજબ કથા સાંભળવા મહિલાઓ અને વડીલો આવ્યા હતા. આ દરમિયાન બાઉન્સરોએ તેમને રોક્યા હતા. આ પછી ભીડમાં ધક્કા-મુક્કી શરૂ થઈ ગઈ. લોકો એકબીજા પર પડવા લાગ્યા. આ કથા સાંભળવા માટે ઘણા VVIP પણ મેરઠ પહોંચ્યા હતા. આ કથાનું આયોજન મેરઠના શતાબ્દીનગરમાં કરવામાં આવી રહ્યું છે.

આ પણ વાંચો: હરિયાણાના પૂર્વ સીએમ ઓમ પ્રકાશ ચૌટાલાનું નિધન, 89 વર્ષની વયે લીધા અંતિમ શ્વાસ

શતાબ્દીનગરમાં શ્રી કેદારેશ્વર સેવા સમિતિ દ્વારા આ કથાનું આયોજન કરવામાં આવ્યું છે. આ કથા 15મી ડિસેમ્બરથી ચાલી રહી છે. કથા બપોરે 1 વાગ્યે શરૂ થાય છે અને 4 વાગ્યા સુધી ચાલે છે. દરરોજ લાખો ભક્તો કથા સાંભળવા આવી રહ્યા છે. આયોજકો દ્વારા વાહનો પાર્ક કરવા માટે 7 પાર્કિંગ લોટ બનાવવામાં આવ્યા છે. લગભગ 1000 પોલીસકર્મીઓ સ્થળ પર તૈનાત છે.