‘રાહુલ ગાંધી મારી ખૂબ નજીક આવી ગયા અને બૂમો પાડી રહ્યા હતા’, ભાજપની મહિલા સાંસદે લગાવ્યો મોટો આરોપ
Parliament Scuffle: સંસદના શિયાળુ સત્રમાં આજે એક એવું દ્રશ્ય જોવા મળ્યું જેણે બધાને શરમમાં મૂકી દીધા. સંસદ ભવન સંકુલમાં રાજકીય પક્ષોના સાંસદો વચ્ચે ઝપાઝપી પણ થઈ હતી અને ઘણા સાંસદોને ઈજાના કારણે હોસ્પિટલમાં લઈ જવા પડ્યા હતા. ભાજપે આરોપ લગાવ્યો છે કે લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ તેના બે સાંસદો પ્રતાપ ચંદ્ર સારંગી અને મુકેશ રાજપૂતને ધક્કો માર્યો હતો. જેના કારણે બંને સાંસદો ઘાયલ થયા અને તેમને હોસ્પિટલમાં દાખલ કરવા પડ્યા. આ દરમિયાન હવે નાગાલેન્ડના બીજેપી સાંસદ ફાંગનોન કોન્યાકે પણ રાહુલ ગાંધી પર મોટો આરોપ લગાવ્યો છે.
#WATCH दिल्ली: भाजपा की राज्यसभा सांसद फंगनोन कोन्याक ने कहा, "विपक्ष के नेता राहुल गांधी करीब आए… मुझे यह पसंद नहीं आया और उन्होंने चिल्लाना शुरू कर दिया…आज जो कुछ भी हुआ वह बहुत दुखद है, ऐसा नहीं होना चाहिए…मैंने सभापति से भी शिकायत की है…" pic.twitter.com/nRt3EdRrep
— ANI_HindiNews (@AHindinews) December 19, 2024
રાહુલ ગાંધી પર શું છે આરોપ?
નાગાલેન્ડના બીજેપીના મહિલા સાંસદ ફાંગનોન કોન્યાકે રાહુલ ગાંધી પર આરોપ લગાવતા કહ્યું કે હંગામા દરમિયાન રાહુલ ગાંધી તેમની ખૂબ નજીક આવી ગયા હતા અને તેમના પર બૂમો પાડી રહ્યા હતા. ફાંગનોન કોન્યાકે કહ્યું કે હું અસહજ અનુભવી રહી હતી. તેમણે કહ્યું કે કોઈપણ મહિલા સાંસદ સાથે આવો વ્યવહાર થવો જોઈએ નહીં. મહિલા સાંસદોએ આ અંગે રાજ્યસભાના અધ્યક્ષને પત્ર પણ લખ્યો છે. તમને જણાવી દઈએ કે કોન્યાક નાગાલેન્ડથી રાજ્યસભા માટે ચૂંટાયેલા પ્રથમ મહિલા સભ્ય છે.
