PM મોદીએ રાજ કપૂરને તેમની 100મી જન્મજયંતિ પર શ્રદ્ધાંજલિ આપી

PM Modi Pays Tributes to Raj Kapoor: હિન્દી સિનેમામાં ‘શોમેન’ તરીકે પ્રખ્યાત એવા દિવંગત અભિનેતા, દિગ્દર્શક અને નિર્માતા રાજ કપૂરની 100મી જન્મજયંતિની ઉજવણી કરવામાં આવી રહી છે. PM નરેન્દ્ર મોદીએ તેમના X હેન્ડલ દ્વારા શ્રદ્ધાંજલિ અર્પણ કરી અને તેમને હિન્દી સિનેમાના શ્રેષ્ઠ અભિનેતા તરીકે વર્ણવ્યા. રાજ કપૂરની પ્રતિભાને યાદ કરીને નરેન્દ્ર મોદીએ તેમના ખૂબ વખાણ કર્યા છે. તેમણે એમ પણ કહ્યું કે રાજ કપૂરે ભારતીય સિનેમાને વિશ્વભરમાં એક વિશેષ ઓળખ અપાવવામાં મોટું યોગદાન આપ્યું છે.

મોદીએ રાજ કપૂરને એમ્બેસેડર કહ્યા
વડા પ્રધાન નરેન્દ્ર મોદીએ લખ્યું, ‘આજે, અમે એક સ્વપ્નદ્રષ્ટા ફિલ્મ નિર્માતા, અભિનેતા અને પ્રથમ શોમેન રાજ કપૂરની 100મી જન્મજયંતિની ઉજવણી કરી રહ્યા છીએ! તેમની પ્રતિભા પેઢી દર પેઢી આગળ વધતી રહેશે… તેમણે ભારતીય અને વૈશ્વિક સિનેમા પર અમીટ છાપ છોડી છે. તે પોતાના અનેક પ્રખ્યાત પાત્રોને કારણે દર્શકોના દિલમાં આજે પણ જીવંત છે. રાજ કપૂર માત્ર ફિલ્મમેકર જ નહોતા, તેમણે એમ્બેસેડરની ભૂમિકા પણ ભજવી હતી.

Today, we mark the 100th birth anniversary of the legendary Raj Kapoor, a visionary filmmaker, actor and the eternal showman! His genius transcended generations, leaving an indelible mark on Indian and global cinema.

— Narendra Modi (@narendramodi) December 14, 2024

પીએમ મોદીએ આગળ કહ્યું, ‘આજના ફિલ્મ નિર્માતાઓ તેમની પાસેથી અને તેમની ફિલ્મો પાસેથી ઘણું શીખી શકે છે જે આવનારી પેઢીઓ માટે યાદ રહેશે. હું ફરી એકવાર તેમને શ્રદ્ધાંજલિ પાઠવું છું અને સર્જનાત્મક વિશ્વમાં તેમના યોગદાનની પ્રશંસા કરું છું. પીએમ મોદીએ બીજી પોસ્ટમાં આગળ લખ્યું, રાજ કપૂરની ફિલ્મોના આઇકોનિક પાત્રો અને યાદગાર ધૂન હંમેશા વિશ્વભરના દર્શકોમાં પ્રખ્યાત રહેશે. તેમની ફિલ્મોનું દરેક સંગીત આજે પણ ખૂબ જ લોકપ્રિય છે.

Shri Raj Kapoor’s passion towards cinema began at a young age and worked hard to emerge as a pioneering storyteller. His films were a blend of artistry, emotion and even social commentary. They reflected the aspirations and struggles of common citizens.

— Narendra Modi (@narendramodi) December 14, 2024

કપૂર પરિવાર નરેન્દ્ર મોદી સાથે મુલાકાત કરી
ગયા સપ્તાહની શરૂઆતમાં, કરીના કપૂર ખાન, રણબીર કપૂર, આલિયા ભટ્ટ, કરિશ્મા કપૂર અને નીતુ કપૂર સહિત કપૂર પરિવાર માનનીય વડા પ્રધાન નરેન્દ્ર મોદીને નવી દિલ્હીમાં તેમના ઘરે મુલાકાત કરી અને રાજ કપૂરની 100મી જન્મજયંતિની ઉજવણી માટે એક વિશેષ આમંત્રણ આપ્યું હતું. નોંધનીય છે કે, આ ખાસ અવસર પર રાજ કપૂરની કેટલીક ખાસ ફિલ્મો પણ રિલીઝ થવાની છે.