IPL મેગા ઓક્શનની તારીખ અને સ્થળ લગભગ નક્કી, ટૂંક સમયમાં થશે જાહેરાત
IPL 2025 Mega Auction Date: આઈપીએલ 2025ના મેગા ઓક્શનની તૈયારીઓ જોરશોરથી ચાલી રહી છે. મેગા ઓક્શનના સ્થળ અને તારીખ લગભગ ફાઇનલ થઈ ગઈ છે. પરંતુ હજુ સુધી તેની સત્તાવાર જાહેરાત નથી કરવામાં આવી. ગત વખતની જેમ આ વર્ષે પણ ઓક્શન વિદેશમાં થવાનું છે.
IPL 2025નું મેગા ઓક્શન સાઉદી અરેબિયાના રિયાધ શહેરમાં યોજાઈ શકે છે. 2024માં આ ઓક્શન દુબઈમાં યોજાયું હતું. મેગા ઓક્શન આ વખતે નવેમ્બરમાં યોજાઇ શકે છે. તેની તારીખ પણ લગભગ નક્કી છે. IPL 2025ની મેગા ઓક્શન 24 અને 25 નવેમ્બરે યોજાઈ શકે છે.
મેગા ઓક્શનમાં સૌથી વધુ પૈસા પંજાબ કિંગ્સ પાસે હશે. તેણે રિટેન્શનમાં માત્ર 9.5 કરોડ રૂપિયા ખર્ચ્યા છે. તેની પાસે હજુ 110.5 કરોડ રૂપિયા બાકી છે. રોયલ ચેલેન્જર્સ બેંગ્લોરના પર્સમાં પણ ઘણા પૈસા છે. તેના પર 37 કરોડ રૂપિયાનો ખર્ચ થયો છે અને 83 કરોડ રૂપિયા હજુ પણ ઉપલબ્ધ છે.
દિલ્હી કેપિટલ્સ પાસે હાલમાં રૂ. 73 કરોડ ઉપલબ્ધ છે. તેણે રિટેન્શનમાં 47 કરોડ રૂપિયા ખર્ચ્યા છે. દિલ્હીએ ઋષભ પંતને રિલીઝ કરી દીધો છે. મુંબઈ ઈન્ડિયન્સ પાસે માત્ર 45 કરોડ રૂપિયા છે. તેણે રિટેન્શન માટે 75 કરોડ રૂપિયા ખર્ચ્યા છે.
