BRICS Summit 2024: LAC પર શાંતિ જાળવવી એ અમારી પ્રાથમિકતા: PM મોદી
PM Modi- XI Jinping Bilateral Meeting: PM નરેન્દ્ર મોદી અને ચીનના રાષ્ટ્રપતિ શી જિનપિંગે રશિયામાં BRICS સમિટ દરમિયાન તેમની પ્રથમ દ્વિપક્ષીય બેઠક યોજી હતી. આ બેઠક લગભગ 50 મિનિટ સુધી ચાલી હતી. આ બેઠક ત્યારે થઈ છે જ્યારે ભારત અને ચીન ડેપસાંગ મૈદાની વિસ્તાર અને ડેમચોક વિસ્તારમાં એકબીજાના પેટ્રોલિંગ અધિકારો પુનઃસ્થાપિત કરવા માટે સંમત થયા છે. આ પૂર્વી લદ્દાખમાં LACના સંઘર્ષને ઉકેલવાના પ્રયાસોને પ્રતિબિંબિત કરે છે. દ્વિપક્ષીય બેઠક દરમિયાન વડાપ્રધાન નરેન્દ્ર મોદીએ કહ્યું કે, “વૈશ્વિક શાંતિ અને સ્થિરતા માટે અમારી બેઠક મહત્વપૂર્ણ છે. સરહદ પર સર્વસંમતિ આવકાર્ય છે. મને વિશ્વાસ છે કે અમે ખુલ્લા મનથી વાત કરીશું અને અમારી ચર્ચા રચનાત્મક રહેશે.”
#WATCH | During the bilateral meeting with Chinese President Xi Jinping in Kazan, Russia, Prime Minister Narendra Modi says "I am sure that we will talk with an open mind and our discussion will be constructive."
(Source: DD News/ANI) pic.twitter.com/Qh1kZo84Q9
— ANI (@ANI) October 23, 2024
પીએમ મોદીએ કહ્યું કે સારા સંબંધો માટે પરસ્પર સન્માન જરૂરી છે
ચીનના રાષ્ટ્રપતિ શી જિનપિંગને મળ્યા બાદ વડાપ્રધાન મોદીએ કહ્યું કે સારા સંબંધો માટે પરસ્પર સન્માન જરૂરી છે. અમે LAC પર થયેલા કરારનું સ્વાગત કરીએ છીએ. ભારત-ચીન સંબંધો વૈશ્વિક શાંતિ અને સ્થિરતા માટે જરૂરી છે.
વિશ્વ શાંતિ અને સ્થિરતા માટે અમારું સમર્થન જરૂરી છેઃ પીએમ મોદી
કાઝાનમાં ચીનના રાષ્ટ્રપતિ શી જિનપિંગને લગભગ 40 મિનિટ સુધી મળ્યા બાદ પીએમ મોદીએ કહ્યું કે વિશ્વ શાંતિ અને સ્થિરતા માટે અમારો સહયોગ જરૂરી છે. અમે 5 વર્ષ પછી ઔપચારિક વાતચીત કરી છે. અમે સરહદ પર શાંતિ માટેની પહેલને આવકારીએ છીએ. શી જિનપિંગ સાથે વાતચીત બાદ પીએમ મોદીએ કહ્યું- LAC પર શાંતિ જાળવવી અમારી પ્રાથમિકતા છે.
