અમદાવાદમાં ધોધમાર વરસાદ, અનેક વિસ્તારમાં ભારે વરસાદ
અમદાવાદઃ હવામાન વિભાગની આગાહી પ્રમાણે, અમદાવાદમાં ભરબપોરે કાળા ડિબાંગ વાદળો છવાઈ ગયા હતા અને ગાજવીજ સાથે વરસાદ તૂટી પડ્યો હતો. શહેરના પ્રહ્લાદ નગર, બોડકદેવ, થલતેજ, ગોતા, સરખેજ, મકરબા વિસ્તારમાં ધોધમાર વરસાદ વરસવાનો ચાલુ થયો હતો.
શું છે હવામાન વિભાગની આગાહી?
રાજ્યમાં વરસાદને લઈ હવામાન વિભાગની આગાહી સામે આવી છે. દક્ષિણ ગુજરાત, મધ્ય ગુજરાત અને સૌરાષ્ટ્રના જિલ્લાઓમાં વરસાદની આગાહી સામે આવી છે. ક્યાંક હળવા ઝાપટાં તો ક્યાંક ભારે વરસાદ વરસી શકે તેવી શક્યતા વ્યક્ત કરવામાં આવી છે. દ્વારકા, જામનગર, પોરબંદર, જુનાગઢ, ગીર સોમનાથ, અમરેલીમાં વરસાદની આગાહી કરવામાં આવી છે. આ ઉપરાંત રાજકોટ, મોરબી, સુરેન્દ્રનગર, બોટાદ, ભાવનગર, ભરૂચ, વડોદરામાં વરસાદની આગાહી છે. જ્યારે પંચમહાલ, દાહોદ, છોટા ઉદેપુર, નર્મદા, સુરત, તાપી, ડાંગ, નવસારીમાં વરસાદની આગાહી કરવામાં આવી છે. વલસાડ, દમણ, દાદરા નગર હવેલીમાં પણ વરસાદની આગાહી છે.
