2013માં 58 કલાક સુધી કિસ કરીને બનાવ્યો વર્લ્ડ રેકોર્ડ, હવે આ કપલ લઈ રહ્યો છે ડિવોર્સ
Longest kiss Records: 2013માં સૌથી લાંબી કિસનો ગિનિસ વર્લ્ડ રેકોર્ડ બનાવનાર થાઈ કપલએ હવે અલગ થવાનો નિર્ણય લીધો છે. એક્કાચાઈ તિરાનારત અને તેમની પત્ની લક્સાનાએ 58 કલાક, 35 મિનિટ અને 58 સેકન્ડ સુધી કિસ કરીને વર્લ્ડ રેકોર્ડ બનાવ્યો હતો. તાજેતરમાં એક્કાચાઈએ તેમના અલગ થવાની પુષ્ટિ કરી પણ લક્સાના સાથેની તેમની સિદ્ધિ પર ગર્વ પણ વ્યક્ત કર્યો હતો.
BBC પોડકાસ્ટ પર હોસ્ટ મેગન જોન્સ સાથે વાત કરતા એક્કાચાઈએ કહ્યું કે, તેમને સાથે લાંબો અને સારો સમય વિતાવવાનો ગર્વ છે. તેમણે કહ્યું હું સારી યાદોને સાચવવા માગુ છું અને મને ખુશી છે કે અમે આ બધું સાથે મળીને કર્યું.
સ્વાભાવિક છે કે આ અનોખા રેકોર્ડ બનાવવા માટે માત્ર અતૂટ સમર્પણની જ નહીં પણ શારીરિક સુગમતાની પણ જરૂર હતી. કારણ કે આ કપલ 58 કલાક સુધી ઊંઘ્યા વિના ઉભા રહીને એકબીજાને કિસ કરતા રહ્યા. આ સિદ્ધિ પછી આ યુગલ પ્રેમનું પ્રતીક બની ગયું હતું.
Longest kiss? Ekkachai & Laksana Tiranarat (Thailand) kissed for 58 hrs 35 mins and 58 secs, #ValentinesDay 2013 pic.twitter.com/YNWh14pBZh
— Guinness World Records (@GWR) February 14, 2016
જોકે, એક અણધાર્યા વળાંકમાં આ દંપતીએ હવે એકબીજાથી અલગ થવાની જાહેરાત કરી છે. જેનાથી તેમના ચાહકો નિરાશ થયા છે, પરંતુ દંપતીએ આના કારણો જાહેર કર્યા નથી. તે કહે છે કે સમય જતાં તે બંને ધીમે ધીમે અલગ થઈ ગયા.
એક્કાચાઈએ કહ્યું, મને અલગ થવાની જાહેરાત કરતા ખૂબ જ દુઃખ થઈ રહ્યું છે. આ યાત્રા યાદોથી ભરેલી હતી પણ હવે અલગ અલગ દિશામાં આગળ વધવાનો સમય આવી ગયો છે. જોકે, દંપતીએ ખાતરી આપી છે કે તેઓ પરસ્પર આદર જાળવી રાખશે અને બાળકોના સહ-વાલીઓ રહેશે.
એક્કાચાઈ અને લક્સાના રેકોર્ડ બ્રેકિંગ ક્ષણ એક ઐતિહાસિક સિદ્ધિ છે. ગિનિસ વર્લ્ડ રેકોર્ડ્સે ‘સૌથી લાંબી કિસ’ની શ્રેણીને ‘સૌથી લાંબી કિસ મેરેથોન’માં બદલી.
