સજ્જન કુમારને આજીવન કેદ, 1984ના શીખ વિરોધી રમખાણો કેસમાં કોર્ટે આપ્યો ચુકાદો
Delhi: દિલ્હીની રાઉઝ એવન્યુ કોર્ટે 1984ના શીખ વિરોધી રમખાણોના કેસમાં દોષિત કોંગ્રેસ નેતા સજ્જન કુમારને આજીવન કેદની સજા ફટકારી છે. કોર્ટે 21 ફેબ્રુઆરીએ સજા પર નિર્ણય અનામત રાખ્યો હતો. પીડિત પક્ષે સજ્જન કુમાર માટે મૃત્યુદંડની માંગ કરી હતી. સજ્જન કુમારને 12 ફેબ્રુઆરીએ દોષિત ઠેરવવામાં આવ્યા હતા.
આ કેસ રમખાણો દરમિયાન સરસ્વતી વિહારમાં જસવંત સિંહ અને તેમના પુત્ર તરુણદીપ સિંહની હત્યા સાથે સંબંધિત છે. આ સમયગાળા દરમિયાન સજ્જન આઉટર દિલ્હી લોકસભા બેઠક પરથી કોંગ્રેસના સાંસદ હતા. તે રમખાણો સંબંધિત બીજા કેસમાં તિહાર જેલમાં બંધ છે અને આજીવન કેદની સજા ભોગવી રહ્યા છે.
આ કેસની ફરિયાદીએ 1984ના શીખ વિરોધી રમખાણો દરમિયાન સજ્જન કુમાર દ્વારા ઉશ્કેરવામાં આવેલા ટોળાના હુમલામાં તેના પતિ અને પુત્રને ગુમાવ્યા હતા. ફરિયાદીએ મૃત્યુદંડની માંગણી કરી હતી. ફરિયાદીના વકીલ એચએસ ફૂલકાએ જણાવ્યું હતું કે આરોપીએ ટોળાના નેતા તરીકે અન્ય લોકોને નરસંહાર, માનવતા વિરુદ્ધના ગુનાઓ અને ક્રૂર હત્યાઓ કરવા માટે ઉશ્કેર્યા હતા. તે મૃત્યુદંડ મળવો જોઈએ.
આ પણ વાંચો: HKU-5 CoV-2 વાયરસ કોવિડથી કેટલો અલગ, શું તે માણસોમાં પણ ઝડપથી ફેલાઈ શકે છે?
1 નવેમ્બર 1984ના રોજ જસવંત સિંહ અને તેમના પુત્ર તરુણદીપ સિંહની હત્યા કરવામાં આવી હતી. એચએસ ફૂલકા કહે છે કે સજ્જન કુમારને દિલ્હી કેન્ટોનમેન્ટના રાજ નગર વિસ્તારમાં થયેલા રમખાણો સાથે સંબંધિત અન્ય એક કેસમાં દિલ્હી હાઈકોર્ટ દ્વારા પાંચ હત્યાઓ માટે દોષિત ઠેરવવામાં આવ્યા છે અને આ હત્યાઓ આ કેસમાં થયેલી હત્યાઓ સાથે મોટા હત્યાકાંડનો ભાગ હતી.
