આસામમાં બાંગ્લાદેશી ઘુસણખોરો સામે કડક કાર્યવાહી, CM હિંમતા બિસ્વાએ કર્યો ખુલાસો
Assam: આસામમાં બાંગ્લાદેશી ઘૂસણખોરો સામે કડક કાર્યવાહી કરવામાં આવી રહી છે. આ અંતર્ગત આસામમાંથી 17 લોકોને બહાર કાઢવામાં આવ્યા છે. જેમાં નવ મોટા અને આઠ બાળકોનો સમાવેશ થાય છે. મુખ્યમંત્રી હિમંતા બિસ્વા શર્માએ ફેસબુક પર પોસ્ટ કરીને આ અંગેની માહિતી આપી છે. મુખ્યમંત્રીએ લખ્યું છે કે ઘૂસણખોરી સામે કડક કાર્યવાહી કરવામાં આવી રહી છે. આસામ પોલીસે નવ બાંગ્લાદેશીઓ અને આઠ બાળકોને બહાર કાઢ્યા હતા. હિમંતાએ તેમની પોસ્ટમાં તેમના નામ પણ લખ્યા છે. આ મુજબ આ બાંગ્લાદેશીઓના નામ હારુલ લામીન, ઉમાઈ ખુનસુમ, મોહમ્મદ ઈસ્માઈલ, સંસીદા બેગમ, રુફિયા બેગમ, ફાતિમા ખાતૂન, મુઝુર રહેમાન, હબી ઉલ્લાહ અને સોબીકા બેગમ છે.
અગાઉ 5 સપ્ટેમ્બરે અધિકારીઓએ પાંચ બાંગ્લાદેશીઓની ધરપકડ કરી હતી. આ તમામ આસામના કરીમગંજ જિલ્લામાંથી ગેરકાયદેસર રીતે ઘુસણખોરી કરવાનો પ્રયાસ કરી રહ્યા હતા. ત્યારે પણ મુખ્યમંત્રીએ એક્સ પર પોસ્ટ કરીને તેમના વિશે માહિતી આપી હતી. તેણે લખ્યું હતું કે ભારત-બાંગ્લાદેશ સરહદ પર સતર્ક પોલીસે ઘૂસણખોરીના પ્રયાસોને નિષ્ફળ બનાવ્યા હતા. ત્યારબાદ બાંગ્લાદેશી નાગરિકોને બહાર કાઢી મૂકવામાં આવ્યા હતા.
BSFએ ભારત-બાંગ્લાદેશ સરહદ પર સતર્કતા વધારી છે. શેખ હસીનાના ગયા પછી બાંગ્લાદેશમાં ઘણી હિંસા થઈ હતી. આ પછી ઘણા લોકો દેશ છોડીને ભાગી રહ્યા છે. આ લોકો ભારતના સરહદી રાજ્યોમાં આશ્રય લઈ રહ્યા છે. આ સ્થિતિને જોતા આસામ પોલીસ પણ હાઈ એલર્ટ પર છે. ડીજીપી જીપી સિંહે આ અંગે માહિતી આપી છે.
આ પણ વાંચો: નિર્મલા સીતારમણ સામે FIR નોંધવાનો આદેશ, ચૂંટણી બોન્ડ સાથે ચેડાંના આરોપ
નોંધનીય છે કે કેન્દ્ર સરકાર ખૂબ જ કડક છે કે બાંગ્લાદેશમાંથી કોઈ પણ શરણાર્થીને ભારતમાં આવવા દેવામાં ન આવે. જેને લઈને BSFએ બાંગ્લાદેશ સાથેની 92 કિમી સરહદ પર દેખરેખ વધારી દીધી છે. આસામ પોલીસ પણ રાજ્યની સરહદ પર બીએસએફને મદદ કરી રહી છે.
