ગાઝામાં ઈઝરાયલના હુમલામાં 11 લોકોના મોત, સીઝફાયર ડીલ પર નેતન્યાહુએ કહ્યું એ કર્યું…
GAZA: ગાઝામાં છેલ્લા 15 મહિનાથી ચાલી રહેલા ભયાનક યુદ્ધમાં આજથી યુદ્ધવિરામ અમલમાં આવ્યો છે. પેલેસ્ટિનિયન સમય મુજબ સવારે 8:30 વાગ્યે યુદ્ધવિરામ શરૂ થવાનો હતો, પરંતુ તેમાં થોડા કલાકો વિલંબ થયો છે. IDF એ જણાવ્યું હતું કે તેણે આજે સવારે ગાઝામાં અનેક હવાઈ હુમલા કર્યા હતા. જ્યારે ગાઝા એજન્સીઓએ જણાવ્યું હતું કે યુદ્ધવિરામ શરૂ થયા પછી ઈઝરાયલી હુમલાઓમાં 11 નાગરિકોના મોત થયા છે.
ઈઝરાયલનો એક મોટો વર્ગ આ યુદ્ધવિરામ અને બંધકોને મુક્ત કરવાના સોદાથી ખુશ નથી. વડા પ્રધાન બેન્જામિન નેતન્યાહૂએ યુદ્ધવિરામ પહેલાના પોતાના નિવેદનમાં કહ્યું હતું કે જો આપણે લડાઈમાં પાછા ફરવું પડશે, તો અમે તે નવા અને શક્તિશાળી રીતે કરીશું. નેતન્યાહૂએ કહ્યું કે યુદ્ધવિરામ કરારનો પહેલો તબક્કો કામચલાઉ છે. તેમણે એવો પણ દાવો કર્યો હતો કે આ માટે તેમને જો બાઈડન અને ટ્રમ્પનો ટેકો છે.
બંધકોની યાદીને કારણે વિલંબ
યુદ્ધવિરામના પહેલા દિવસે હમાસને ત્રણ ઈઝરાયલી બંધકોને મુક્ત કરવાની અને યુદ્ધવિરામ શરૂ થાય તે પહેલાં ઈઝરાયલને બંધકોના નામ આપવાની જરૂર હતી. હમાસે આ નામો આપવામાં વિલંબ કર્યો, હમાસના મતે કેટલાક ટેકનિકલ કારણોસર વિલંબ થયો હતો.
Han Yunus’ta El Kassam aslanları sokağa indi, halktan büyük sevgi ve teveccüh gördü.
Bu görüntüler, Gazzelilerin Hamas’a kızgın oldukları ve eskisi gibi desteklemediklerini iddia edenlerin iddialarının çöp olduğunun da ispatıdır.
Hamas Gazze’dir, Gazzeliler Hamas’tır. pic.twitter.com/ZFar3Tzjle
— Abdullah Kilim (Quilliam) (@Abdquil) January 19, 2025
હમાસે આજે મુક્તિ માટે મધ્યસ્થી કતાર દ્વારા બંધકો રોમી ગોનેન, એમિલી દામારી અને ડોરોન સ્ટેઈનબ્રેચરની યાદી ઈઝરાયલને મોકલી છે. ઈઝરાયલી સરકારે પુષ્ટિ આપી છે કે તેને હમાસની યાદી મળી ગઈ છે. આ પછી સમજી શકાય છે કે હવે યુદ્ધવિરામ સત્તાવાર રીતે અમલમાં આવી ગયો છે.
