દેશમાં 100 નવી સૈનિક શાળાઓ ખોલવામાં આવશે: સંરક્ષણમંત્રી રાજનાથ સિંહ

Sainik School: ભારતમાં શિક્ષણની મૂળભૂત ગુણવત્તા સુધારવા માટે, કેન્દ્ર સરકારે દેશભરમાં 100 નવી સૈનિક શાળાઓ ખોલવાનો નિર્ણય લીધો છે. સંરક્ષણમંત્રી રાજનાથ સિંહે બુધવારે કેરળના અલાપ્પુઝામાં વિદ્યાધિરાજ વિદ્યાપીઠમ્ સૈનિક સ્કૂલના વાર્ષિક દિવસ ઉજવણી દરમિયાન આ પહેલની જાહેરાત કરી હતી. તેમણે કહ્યું કે કેન્દ્ર સરકારનો દેશભરમાં 100 નવી સૈનિક શાળાઓ સ્થાપવાનો નિર્ણય ભારતમાં મૂળભૂત શિક્ષણની ગુણવત્તા સુધારવા અને દેશના સર્વાંગી વિકાસમાં યોગદાન આપવાના તેના પ્રયાસોનો એક ભાગ છે.

Defense Minister Rajnath Singh States Kerala is One of the First States to Implement Social Reforms. Central Minister Inaugurates Mavelikara Sainik School and Aranmula Sugathotsavam Closing Ceremony.@airnewsalerts @airnews_tvm pic.twitter.com/pAAsaB1LUO

— All India Radio News Trivandrum (@airnews_tvm) January 22, 2025

દરેક જિલ્લામાં સૈનિક શાળાઓ સ્થાપવામાં આવશે
સંરક્ષણમંત્રીએ કહ્યું કે કેન્દ્ર સરકારે સૈનિક શાળાઓમાં છોકરીઓના પ્રવેશ માટેનો માર્ગ પણ મોકળો કર્યો છે. વધુમાં તેમણે કહ્યું કે કેન્દ્ર સરકારે દેશના દૂરના વિસ્તારો અને વિવિધ સાંસ્કૃતિક પૃષ્ઠભૂમિના કર્મચારીઓને સામેલ કરવા માટે ભારતના દરેક જિલ્લામાં સૈનિક શાળાઓ સ્થાપવાનો નિર્ણય લેવામાં આવ્યો છે.

‘દરેક સૈનિકમાં બીજા ઘણા ગુણો હોય છે’
સંરક્ષણમંત્રીએ ભાર મૂક્યો કે જેમ જેમ ભારત આરોગ્ય, સંદેશાવ્યવહાર, ઉદ્યોગ, પરિવહન અને સંરક્ષણ જેવા ક્ષેત્રોમાં પ્રગતિ સાથે આત્મનિર્ભરતા તરફ આગળ વધી રહ્યું છે, તેમ તેમ “શિક્ષણ ક્ષેત્ર અને બાળકોના સર્વાંગી વિકાસમાં ક્રાંતિની જરૂર છે.” તેમણે કહ્યું કે “સૈનિક”ને ફક્ત યુદ્ધના દ્રષ્ટિકોણથી જોવું જોઈએ નહીં, કારણ કે દરેક સૈનિકમાં ઘણા બધા ગુણો હોય છે. રાજનાથ સિંહે કહ્યું કે સૈનિક શિસ્તબદ્ધ હોય છે, પોતાના લક્ષ્યો પર ધ્યાન કેન્દ્રિત કરે છે, નિઃસ્વાર્થ સેવા કરે છે અને આત્મ-નિયંત્રિત અને સમર્પિત હોય છે. તેમણે કહ્યું કે આ ગુણો સ્વામી વિવેકાનંદ, આદિ શંકરાચાર્ય અને રાજા રવિ વર્મા જેવા મહાન વ્યક્તિત્વોમાં પણ જોવા મળે છે, જેમના યુદ્ધના મેદાનો સામાજિક, સાંસ્કૃતિક, રાજકીય અને ધાર્મિક સુધારાઓ હતા.