સૈફ અલી ખાન પર હુમલાની થોડીકવાર પહેલાં શું થયું હતું? પોલીસે કર્યો મોટો ખુલાસો

Mumbai: બોલિવૂડ અભિનેતા સૈફ અલી ખાન પર ગઈકાલે રાત્રે છરીથી હુમલો કરવામાં આવ્યો હતો. આનાથી ફેન્સ ચિંતામાં મૂકાઈ ગયા છે. બધા જાણવા માંગે છે કે આટલી મોટી ઘટના કેવી રીતે બની. મળતી માહિતી અનુસાર, પોલીસે જણાવ્યું કે મોડી રાત્રે એક અજાણ્યો વ્યક્તિ અભિનેતા સૈફ અલી ખાનના ઘરમાં ઘૂસી ગયો અને નોકરાણી સાથે દલીલ કરવા લાગ્યો. જ્યારે અભિનેતાએ દરમિયાનગીરી કરીને તે વ્યક્તિને શાંત કરવાનો પ્રયાસ કર્યો, ત્યારે તેણે સૈફ અલી ખાન પર હુમલો કરીને તેને ઘાયલ કર્યો. પોલીસ આ મામલાની તપાસ કરી રહી છે.

મુંબઈ પોલીસ ડીસીપીએ આ મામલે જણાવ્યું હતું કે મોડી રાત્રે એક અજાણ્યો વ્યક્તિ અભિનેતા સૈફ અલી ખાનના ઘરમાં ઘૂસી ગયો અને તેની નોકરાણી સાથે ઝઘડો કરવા લાગ્યો. જ્યારે અભિનેતાએ દરમિયાનગીરી કરીને તે વ્યક્તિને શાંત કરવાનો પ્રયાસ કર્યો, ત્યારે તેણે સૈફ અલી ખાન પર હુમલો કરીને તેને ઘાયલ કર્યો. પોલીસ આ મામલાની તપાસ કરી રહી છે.

આ પણ વાંચો: સૈફ અલી ખાન પર રાતે કેટલા વાગ્યે થયો હુમલો… કયા-કયા અભિનેતાને થઈ ઈજા

ગરદનના પાછળના ભાગમાં ૧૦ સેમીનો કાપો
લીલાવતી હોસ્પિટલે પુષ્ટિ કરી છે કે સૈફ અલી ખાનની સર્જરી હજુ પણ ચાલુ છે. આ હુમલામાં સૈફ અલીને ઈજાઓ થઈ છે. તેની ગરદનના પાછળના ભાગમાં અને ડાબા હાથ પર 10 સેન્ટિમીટર કાપાનું નિશાન છે. તેની પીઠમાં કંઈક વસ્તુ મારી હતી. જે ઈજા ગંભીર છે. સૈફની ટીમ સાથે સંકળાયેલા લોકોએ જણાવ્યું કે કેટલાક લોકોને ડર હતો કે કોઈ તીક્ષ્ણ વસ્તુ તેની કરોડરજ્જુમાં વાગી હશે. ગઈકાલે રાત્રે 2:30 વાગ્યે તેમને હોસ્પિટલમાં દાખલ કરવામાં આવ્યા હતા.

જોકે, અભિનેતા હાલમાં હોસ્પિટલમાં છે અને તેની સર્જરી ચાલી રહી છે. અમે મીડિયા અને ચાહકોને ધીરજ રાખવા વિનંતી કરીએ છીએ. આ પોલીસનો મામલો છે. અમે તમને દરેક પરિસ્થિતિ વિશે માહિતગાર રાખીશું.