સતત ચોથા દિવસે શેરબજાર ઉછાળા સાથે ખુલ્યું, સેન્સેક્સ 88 પોઈન્ટ ઉછળ્યો
ભારતીય શેરબજાર બુધવારે સતત ચોથા દિવસે તેજી સાથે ખુલ્યું હતું. BSE સેન્સેક્સ 88.97 પોઈન્ટ વધીને 81,544.37 પર ટ્રેડ કરી રહ્યો છે. ત્યાં જ NSE નિફ્ટી 37.10 પોઈન્ટના વધારા સાથે 24,894.40 પોઈન્ટ પર પહોંચી ગયો છે. શેરો પર નજર કરીએ તો મારુતિ, અદાણી પોર્ટ, મહિન્દ્રા, ટાટા સ્ટીલ, NTPC, ટાઇટન વગેરેમાં ઉછાળો જોવા મળી રહ્યો છે.
તમને જણાવી દઈએ કે શેરબજારમાં મંગળવારે સતત ત્રીજા દિવસે તેજી જારી રહી હતી. ભારે વધઘટ હોવા છતાં BSE લિસ્ટેડ કંપનીઓનું કુલ માર્કેટ વેલ્યુએશન પ્રથમ વખત $5,500 બિલિયન (આશરે રૂ. 460 લાખ કરોડ) સુધી પહોંચ્યું હતું.
આ પણ વાંચો: પેમેન્ટ સિસ્ટમને સુધારવા માટે RBIની નવી ગાઈડલાઈન્સ, આ નિયમોનું કરવું પડશે પાલન
સવારે વૈશ્વિક બજારોમાંથી નરમ સંકેતો મળ્યા હતા. ગિફ્ટ નિફ્ટી ફ્લેટ ચાલી રહી હતી. જ્યારે ઈન્ડેક્સ 24900 ની નજીક હતો ત્યારે ડાઉ ફ્યુચર્સ લગભગ 150 પોઈન્ટ્સ નબળો હતો અને જાપાનીઝ ઈન્ડેક્સ નિક્કી 350 પોઈન્ટ તૂટ્યો હતો. ગઈકાલે અમેરિકન બજારોમાં મિશ્ર કારોબાર જોવા મળ્યો હતો. આજે રાત્રે યુએસ ફેડ વ્યાજદર અંગે નિર્ણય લેશે.
