લાલ નિશાન સાથે માર્કેટની શરૂઆત, સેન્સેક્સ 73200 સુધી ગગડ્યો
અમદાવાદ: સેન્સેક્સ 250થી વધુ પોઈન્ટના ઘટાડા સાથે ખુલ્યો છે અને આઈટી, મિડકેપ, સ્મોલકેપ તમામમાં ઘટાડો જોવા મળી રહ્યો છે. બેન્ક નિફ્ટી પણ નબળાઈ સાથે કારોબાર કરી રહ્યો છે. BSE સેન્સેક્સે 286.85 પોઈન્ટ્સ અથવા 0.39 ટકાના ઘટાડા સાથે 73,225 ના સ્તર પર કારોબાર શરૂ કર્યો. NSEનો નિફ્ટી 71.30 પોઈન્ટ અથવા 0.32 ટકાના ઘટાડા સાથે 22,231 પર ખુલ્યો હતો. સેન્સેક્સ 199.20 પોઈન્ટ અથવા 0.27 ટકાના ઘટાડા પછી 73,312 પર ટ્રેડ થઈ રહ્યો છે. આ સમયે નિફ્ટીમાં 22,185ની નીચી સપાટી જોવા મળી હતી.
સેન્સેક્સ શેરનું અપડેટ
સેન્સેક્સના 30 શેરોમાંથી 10માં વધારો અને 20માં ઘટાડો જોવા મળી રહ્યો છે. ટાટા સ્ટીલ 1.13 ટકા અને NTPC 1.06 ટકા ઉપર છે. SBI 0.81 ટકા વધ્યો છે જ્યારે પાવર ગ્રીડ અને કોટક મહિન્દ્રા બેંક પણ મજબૂતી દર્શાવે છે.
આ પણ વાંચો: ‘પાકિસ્તાન સાથે શું સંબંધ છે’, રાહુલ ગાંધી પર સ્મૃતિ ઈરાનીએ સાધ્યું નિશાન
નિફ્ટી નવીનતમ અપડેટ
નિફ્ટીના 50 શેરોમાંથી 25 શેર વધી રહ્યા છે અને 25 શેર ઘટી રહ્યા છે. ટોપ ગેઇનર્સમાં BPCL 2.12 ટકા અને કોલ ઇન્ડિયા 1.90 ટકા ઉપર છે. એનટીપીસી, અદાણી એન્ટરપ્રાઇઝ અને ઓએનજીસીના શેરમાં પણ તેજી જોવા મળી રહી છે. ઘટતા શેરોમાં ડૉ. રેડ્ડીઝ લેબોરેટરીઝ 3.74 ટકા અને HUL 1.42 ટકા ડાઉન છે. એલએન્ડટી, એચડીએફસી બેંક અને હીરો મોટોકોર્પના શેરમાં પણ ઘટાડો જોવા મળી રહ્યો છે.
BSE નું માર્કેટ કેપિટલાઇઝેશન
BSEનું માર્કેટ કેપ રૂ. 399.75 લાખ કરોડ થયું છે. આ રીતે જોરદાર ઘટાડો થયો છે કારણ કે વધતા જતા ટ્રેન્ડ દરમિયાન તે 410 લાખ કરોડ રૂપિયાના આંકડાને પાર કરી ગયો હતો. આજે BSE પર 3135 શેરનો વેપાર થઈ રહ્યો છે, જેમાંથી 1939 શેરમાં ઘટાડો જોવા મળી રહ્યો છે. 1094 શેર વધી રહ્યા છે અને 102 શેર કોઈપણ ફેરફાર વગર ટ્રેડ થઈ રહ્યા છે.
