ચેસ ચેમ્પિયન ડી ગુકેશે કરી PM મોદી સાથે મુલાકાત, વર્લ્ડ ચેસ ચેમ્પિયન બનવા બદલ અભિનંદન પાઠવ્યા
PM Modi-D Gukesh: દેશના વડાપ્રધાન નરેન્દ્ર મોદીએ શનિવારે ભારતીય ગ્રાન્ડમાસ્ટર ડી ગુકેશ સાથે મુલાકાત કરી અને તેમને વિશ્વ ચેસ ચેમ્પિયનશિપનો ખિતાબ જીતવા બદલ અભિનંદન પાઠવ્યા. આ દરમિયાન ગુકેશના માતા-પિતા પણ હાજર હતા. નોંધનીય છે કે, આ જ મહિનામાં ગુકેશે વર્લ્ડ ચેસ ચેમ્પિયનશિપના 14મા અને અંતિમ રાઉન્ડમાં ચીનના ડિંગ લિરેનને હરાવીને ટાઈટલ જીત્યું હતું. લિરેનને હરાવીને તે સૌથી યુવા વિશ્વ ચેસ ચેમ્પિયન બન્યો. 18 વર્ષની ઉંમરે તેણે ઈતિહાસ રચ્યો.
In the success of every athlete, their parents play a pivotal role. I complimented Gukesh’s parents for supporting him through thick and thin. Their dedication will inspire countless parents of young aspirants who dream of pursuing sports as a career. pic.twitter.com/8Iov7NnyzT
— Narendra Modi (@narendramodi) December 28, 2024
ગુકેશે પીએમને આપી ખાસ ભેટ
પીએમ આવાસ પર આયોજિત આ મીટિંગ દરમિયાન ગુકેશે પીએમ મોદીને એક ખાસ ભેટ પણ આપી હતી. તેમણે પીએમને ચેસ બોર્ડ ભેટમાં આપ્યું. આ તસવીર શેર કરતી વખતે પીએમએ પોતાના એક્સ હેન્ડલ પર લખ્યું- ગુકેશ તરફથી જે રમતમાં તે જીત્યો હતો તેનું અસલ ચેસ બોર્ડ મેળવીને મને પણ ખૂબ આનંદ થયો. ચેસબોર્ડ, જેના પર ગુકેશ અને ડીંગ લિરેન બંનેએ સહી કરી છે, જે એક અમૂલ્ય સ્મૃતિ છે.
