ક્યારેય આવું નહીં જોયું હોય… પાકિસ્તાનમાં સેના વિરુદ્ધ ધરણા પર બેઠી પોલીસ
Pakistan: પાકિસ્તાનના ખૈબર પખ્તુનખ્વા પ્રાંતમાં વધી રહેલી આતંકવાદી ઘટનાઓ અને પોલીસ અધિકારીઓની ટાર્ગેટ કિલિંગ સામે લક્કી મરવત જિલ્લાના પોલીસકર્મીઓએ વિરોધ પ્રદર્શન કર્યું હતું. આશ્ચર્યની વાત એ છે કે તેઓએ પાકિસ્તાની સેના વિરુદ્ધ સૂત્રોચ્ચાર કર્યા હતા અને લક્કી મરવત જિલ્લામાં પ્રવર્તતી અસુરક્ષા માટે પાકિસ્તાની સેનાને જવાબદાર ગણાવી હતી. આ પહેલીવાર છે જ્યારે પોલીસે પાકિસ્તાન આર્મી વિરુદ્ધ પ્રદર્શન કર્યું છે અને તેને વિસ્તારમાં અશાંતિ માટે જવાબદાર ઠેરવ્યું છે.
લક્કી મારવત જિલ્લામાં છેલ્લા મહિનાથી આતંકવાદી ઘટનાઓમાં વધારો થયો છે, ગયા અઠવાડિયે આતંકવાદીઓના ગોળીબારમાં પાંચ પોલીસ અધિકારીઓ શહીદ થયા હતા. જે બાદ પોલીસકર્મીઓમાં ગુસ્સો છે અને તેઓ સરકાર પાસે પોતાની સુરક્ષાની માંગ કરી રહ્યા છે.
સેનાની હકાલપટ્ટીના ત્રણ મહિનામાં પોલીસ આતંકવાદને ખતમ કરી દેશે
પ્રદર્શન દરમિયાન પોલીસકર્મીઓએ સેના વિરુદ્ધ સૂત્રોચ્ચાર કર્યા અને સરકારને તેમને હટાવવાની માંગ કરી. પોલીસકર્મીઓનું કહેવું છે કે જિલ્લામાં વધી રહેલી આતંકવાદી ઘટનાઓ માટે સેના જવાબદાર છે. તેમણે કહ્યું કે જો અહીંથી સેનાને પાછી ખેંચી લેવામાં આવે છે અને આતંકવાદ વિરુદ્ધ ઓપરેશનની સંપૂર્ણ જવાબદારી તેમને સોંપવામાં આવે છે, તો તેઓ ત્રણ મહિનામાં આતંકવાદીઓને ખતમ કરી દેશે.
Officials of secret agencies and army should leave the district, terrorism will be eliminated in 3 months, police personnel protest against attacks in Lakki Marwat.
Police officials closed Taja Bannu Mianwali Road for traffic.#چلو_چلو_اسلام_آباد_چلو
pic.twitter.com/6Bc0prVOtX— Awais Aziz (@awaisaziz21) September 9, 2024
પોલીસકર્મીઓએ વિરોધમાં પેશાવર-કરાચી સિંધુ હાઈવે પણ બંધ કરી દીધો હતો અને અધિકારીઓ વિરુદ્ધ જોરદાર સૂત્રોચ્ચાર કર્યા હતા. આ સિવાય પોલીસકર્મીઓએ તેમની ફરજ પર પાછા ફરવાનો ઈન્કાર કરી દીધો છે અને અધિકારીઓ સાથે વાત કરવા માટે 6 સભ્યોની કમિટી બનાવી છે.
આ પણ વાંચો: નીતિન ગડકરીએ આપ્યું મોટું નિવેદન, પેટ્રોલ-ડીઝલની ગાડીથી હેલ્થને થઈ રહ્યું છે નુકસાન
ખૈબર પખ્તુનખ્વાની સ્થિતિ વધુ ખરાબ
છેલ્લા કેટલાક મહિનામાં ખૈબર પખ્તુનખ્વામાં પોલીસ સામે હુમલામાં વધારો થયો છે. ગયા મહિને જ કેટલાક આતંકવાદીઓએ ઓચિંતો હુમલો કરીને ગોળીબાર કર્યો હતો અને 5 પોલીસ અધિકારીઓની હત્યા કરી હતી. જે બાદ અફઘાનિસ્તાનથી ઘૂસેલા આતંકવાદીઓના ગોળીબારમાં ત્રણ પોલીસકર્મીઓના મોત થયા હતા.
પાકિસ્તાન સતત તાલિબાન સરકારને સરહદ પર સુરક્ષા સુનિશ્ચિત કરવા અને પાકિસ્તાન વિરુદ્ધ આતંકવાદી કૃત્યો માટે અફઘાન ભૂમિનો ઉપયોગ બંધ કરવા માટે સતત કહી રહ્યું છે.
